影片
更多
2012-03-03
488 浏览
11月30日, 今日我生日我大晒~ 晏昼呀比为我准备咗个富有艺术气息嘅庆祝活动过后, 因为佢知道我呢排好恨食芝士火锅, 夜晚佢就神神秘秘咁带咗我去瑞士… 餐厅度食晚餐~ 嘻嘻!! ::: 餐包 ::: complimentary落单后就侍应就为我地端上面包盘, 满满一盘有几款面包比你拣~ 我拣嘅两款面包都几香软, 口感烟烟韧韧, 配上呢度特别嘅牛油一齐食就更香. 只是面包唔够暖, 似系摆得耐咗.::: 烘瑞士(辣力芝士)配新薯, 酸洋葱仔及酸青瓜仔 ::: $60爱吃芝士嘅呀菲嚟到瑞士又点可以唔食呢个充满代表性嘅raclette? 咪以为只有薄薄一片嘅烘芝士唔会好多, 其实成块芝士就咁食都几腻! 所以呢度都有唔同portion可以拣, 如果两个人食就点最小的已经好够. 烤过嘅芝士除咗外层变得脆脆地之余, 芝士香气更加浓郁~ 边食芝士可以边食下酸瓜减腻, 又可以食下劲有薯味嘅新薯中和一下芝士浓烈嘅咸香, 作为一顿瑞士晚餐嘅前菜实在非点不可~::: 薄生黄麖片配芝士簇藜油及酸磨菇 ::: $145另一个想试嘅特别菜式. 此菜卖相超靓, 粉嫩的黄麖片上铺上薄切芝士片, 中间放上酸磨菇同食.
::: 餐包 ::: complimentary
落单后就侍应就为我地端上面包盘, 满满一盘有几款面包比你拣~ 我拣嘅两款面包都几香软, 口感烟烟韧韧, 配上呢度特别嘅牛油一齐食就更香. 只是面包唔够暖, 似系摆得耐咗.
::: 烘瑞士(辣力芝士)配新薯, 酸洋葱仔及酸青瓜仔 ::: $60爱吃芝士嘅呀菲嚟到瑞士又点可以唔食呢个充满代表性嘅raclette? 咪以为只有薄薄一片嘅烘芝士唔会好多, 其实成块芝士就咁食都几腻! 所以呢度都有唔同portion可以拣, 如果两个人食就点最小的已经好够. 烤过嘅芝士除咗外层变得脆脆地之余, 芝士香气更加浓郁~ 边食芝士可以边食下酸瓜减腻, 又可以食下劲有薯味嘅新薯中和一下芝士浓烈嘅咸香, 作为一顿瑞士晚餐嘅前菜实在非点不可~
::: 薄生黄麖片配芝士簇藜油及酸磨菇 ::: $145另一个想试嘅特别菜式. 此菜卖相超靓, 粉嫩的黄麖片上铺上薄切芝士片, 中间放上酸磨菇同食. 黄麖片望落够晒粉红透薄, 不过真系太薄喇, 薄到透光, 加上芝士片味道浓烈, 基本上连肉味都唔系好食到. 中间d酸磨菇味道又唔太夹. 其实肉同芝士都薄, 反而簇藜油落得太重手, 食到尾成碟底都仲有好多油… 整体特别但味道一般.
::: 牛仔肉丸芝士火锅配香草, 番茄跟新薯及法包 ::: $210隆重登场嘅系瑞士菜招牌主角芝士火锅! 传统嘅芝士火锅都会加入酒去增强味道兼且更有助暖身~ 呢度都有几种唔同嘅有酒精芝士火锅供应, 当中又有d芝士火锅加入咗唔同材料去提味, 不过我地就加咗牛肉丸同香草番茄嘅芝士火锅试下! 芝士火锅以小火炉盛著一拼呈上, 澎湃芝士香从煲得滚烫嘅火锅溢出, 香草同番茄令芝士味道层次更丰富~ 芝士嘅浓杰度好好, 用面包轻轻一蘸已被完整包住, 但入口又唔会太腻太浆口. 新薯仔粉软淋身, 薯味浓郁, 就咁食或点芝士食都一流! 反而一早浸在火锅内的肉丸就比较逊色, 咬落质地唔嫩又无乜肉味, 下次叫d将肉类同芝士分开上嘅款式会更好~
::: 炸牛仔肉酿芝士及火腿跟瑞士薯饼 ::: $165无惧滞腻嘅我俩继续叫食d芝士腻腻菜式! 我地全晚点嘅食物都真系样样都有芝士, 而讲到最肥腻嘅一定系呢碟夹心火腿芝士炸牛仔肉拼薯饼!! 滞就系滞咗d… 不过又真系好好味~ 牛仔肉大大块都算炸得香脆唔油腻, 切开牛仔肉亦可见佢无乜多余嘅肥肉, 亦难得佢肉质偏瘦但都仲可以保持香嫩. 当中呈半溶状态涌出嘅芝士固然是亮点, 同下面块火腿同牛仔肉非常之咁夹! 虽然已经好饱但都唔忍心唔食晒佢! 旁边嘅瑞士薯饼不论系饱滞度同味道都不能忽视~但 呢度嘅薯仔真系好好味! 而将佢切丝再煎成薯饼更为薯仔添上焦脆口感, 薯味更香更突出~ 真系十分十分好味~!!
::: Half Apple Cider and Half Apple Juice ::: $48话就话apple cider同apple juice一半半, 但饮落就真系唔太觉有酒味. 不过味道香甜, 苹果味天然, 都几好饮.
::: Iced Peach and Passion Fruit Tea ::: $42够冰冻兼大大杯! 果味自然清甜, 茶味亦浓~ 系apple cider以外嘅好选择!
::: Tiramisu ::: $72我的生日甜饼~ 同上年一样都拣咗我最爱的tiramisu, 而且贯彻全餐都依然系有芝士嘅菜式~ 哈哈哈! 卖相小巧精致, 又伴上鲜果减低甜腻. 成餐充满芝士菜式嘅晚饭中要数佢嘅芝士味最清淡, 亦因为清淡所以先唔会抢去忌廉奶香. 不过佢唔系用lady fingers, 只系用上蛋糕片, 同埋酒味太劲, 都系钟意意式tiramisu多d~
甫推门踏进餐厅, 已经觉得呢度嘅环境好cozy好warm~ 好似走咗入一个瑞士家庭咁! 店员大部份都系外籍人, 不过服务都很妥贴, 会为你介绍食物、提议食物配搭、上菜亦会因应你用餐速度调节~ 整餐饭每个菜都满是瑞士特式, 令人感到真系置身瑞士一样! 多谢呀比为我准备这晚丰富美味又特别的生日饭~~~ 张贴
