歷山餐廳

营业中

休息中

我哋又返黎食晚市自助餐啦。因为上次小朋友喺度食得好开心，所以今次想食buffet都再book返呢度。同上几次比，今次晚市真系多咗好多人，全场满座，咁就证明咗佢哋已经一洗初初开张时既污名，真心有诚意改进。首先晚市buffet每位会送鲍鱼花胶 (之前𠮶次系龙虾)今次嚟到，鱼生部份除咗三文鱼，吞拿鱼，油甘鱼，甜虾外，今次重多咗赤背，同埋带子，非常新鲜👍🏻. 冷盘仲有生蚝，冻虾，蟹脚，青口，真系净系食海鲜都回到本。仲有即叫即煎鹅肝，蒜泥白肉都值得推介。中汤同西汤都依旧出色，羊扒都一定要试。今次仲有蒜蓉粉丝蒸带子，原条糖醋鱼 😋😋😋甜品有好多蛋糕选择，雪糕系Häagen-Dazs。值得一赞嘅系虽然9:30系last order，我哋9:15出去想攞雪糕，佢哋都仲refill紧 👍🏻最后一题，官网订buffet有八折，或者如果有人生日，生日𠮶位有半价(唔计生日𠮶位最少要有四人)。仲有值得一赞嘅系四岁以下小朋友系免费。