影片
更多
2016-01-18
1389 浏览
还记得小时候屋企人带过我去食呢间拉面店，当时年纪太细，都唔知咩系拉面。阿妈衣家都不时提起，系家姐岩岩出黎打工请食饭…当时间野仲应该系开左无耐，等位仲等左好耐…果阵时小弟我可能仲读梗小学！之后都无记住呢间野。到大左，自己出黎做野，先再有机会食返，都讲梗好多年前，都系大排长龙，假日等30分钟算系快…多次帮衬、次次都等，有好多次太多人，都放弃左…近日系 Openrice睇，原来间野1987年开…咁我第一次帮衬都起码25年前…真系排队排足咁多年！今次帮衬在平日Lunch，都系排…不过约20分钟入到，算系咁！店舖地方唔大，但人就多…坐低都系贴住后面个背脊食，食得唔舒服…无计！可能太多拉面店关系，餐牌多左少少新花款，今次就试左鱼豚骨拉面，系猪骨同鲣鱼汤底…叉烧一块过…等左一阵，见有人吹单…待应回答到，排梗队，好多人未有得食…咁我就攞部Tab睇左场戏…一睇表，已经等左30mins…….虽则慢工出细货，但真系有少少火，心谂几好食都无用，最终小弟果碗等左35mins先有得食。但系碗面一到，都真系流晒口水。香气扑鼻兼且饥寒交迫，登时食指大动。温泉蛋照样流心…木耳爽脆…正！拉面还是一样的烟韧…但系呢D都唔系
到大左，自己出黎做野，先再有机会食返，都讲梗好多年前，都系大排长龙，假日等30分钟算系快…多次帮衬、次次都等，有好多次太多人，都放弃左…近日系 Openrice睇，原来间野1987年开…咁我第一次帮衬都起码25年前…真系排队排足咁多年！
今次帮衬在平日Lunch，都系排…不过约20分钟入到，算系咁！
店舖地方唔大，但人就多…坐低都系贴住后面个背脊食，食得唔舒服…无计！可能太多拉面店关系，餐牌多左少少新花款，今次就试左鱼豚骨拉面，系猪骨同鲣鱼汤底…叉烧一块过…
等左一阵，见有人吹单…待应回答到，排梗队，好多人未有得食…咁我就攞部Tab睇左场戏…一睇表，已经等左30mins…….虽则慢工出细货，但真系有少少火，心谂几好食都无用，最终小弟果碗等左35mins先有得食。但系碗面一到，都真系流晒口水。香气扑鼻兼且饥寒交迫，登时食指大动。
鱼豚骨拉面
32 浏览
0 赞好
0 留言
33 浏览
0 赞好
0 留言
呷一口汤…同之前食开既猪骨浓汤大不同，入口既系极浓郁既鲣鱼味，浓郁程度接近苦涩边缘，但极度刺激…猪骨几乎只有提供汤底的稠度，味道近乎零，但都系好享受呢个浓烈既味道！
一片谂住唔够皮，但系一夹起…系比出面拉面店为厚身既叉烧，而且长度有只碗咁长，叉烧唔算肥但又唔鞋口，面头用火枪烧香左，正。系我食过拉面店叉烧中，味道及份量最为满意，平时出去食要额外加叉烧…呢个真系够皮。
食到呢度，所有既等待都系值得既…真系好想再去，但系好怕排队呢！
印象中，香港都应该无咩舖头可以咁夸张，香港人爱试新野，排得一年半载已经好劲下，呢间开业开始排，一排排左差不多30年…环顾拉面系香港大行其道，竞争激烈，排完豚王排一兰，但系都系一年半载就唔洗点排。但系横纲人人照排，风雨不改，有冇实力，可想而知！
张贴
