影片
更多
2024-03-10
86 浏览
我可以同你讲中上环所有越式餐厅我大部分已经食过哂，就讲紧电车路附近已经有6-7间越南餐厅，但呢间藏身于小巷里既越式小店，我头一次去试，我可以定论系我食过既最好食既一间。铺面好细不甚起眼，藏身于永吉街既小巷入面，老板娘又系厨师又系老板，正宗越南人。同佢倾开偈知道佢所有野都亲力亲为，但食物质素既把控有要求，好似我当日叫左个蕃茄蟹肉汤檬 蟹肉鲜虾扎肉蟹肉饼 $83整个碗都系爆多蟹肉，浓汤底蕃茄味非常浓郁，原来佢个汤底非常讲究，每天用新鲜既虾用蟹放入搅拌机打粉然后攞出来隔渣而成既汤头，饮落去绝对分得出，唔系用罐头蟹膏沟既汤底来，$83绝对比食日本拉面高性价比仲有蟹肉饼系用猪肉同蟹肉混合而成 啡色𠮶啲系蟹膏来，来到一定要试烤牛肉沙律 $98好少见到系青瓜底嘅沙律，上枱既卖相好有食欲 上面仲加上黑椒碎， 洋葱同蕃茄仔，牛肉好多块，当我食第一淡牛肉感觉好特别既味道，肉身弹牙有咬口，味道带点酸香加上香料既味道，老板娘话原来呢个腌制系秘方来，外面食唔到既味道。呢个又系必定要叫既。鲜虾米子卷 $78其实我不嬲对米卷无咩好感，可能系我之前食开既米卷都系里面松散平平无奇，要加上酸汁先会好食d,所以开头对呢度既
铺面好细不甚起眼，藏身于永吉街既小巷入面，老板娘又系厨师又系老板，正宗越南人。同佢倾开偈知道佢所有野都亲力亲为，但食物质素既把控有要求，好似我当日叫左个
蕃茄蟹肉汤檬 蟹肉鲜虾扎肉蟹肉饼 $83
整个碗都系爆多蟹肉，浓汤底蕃茄味非常浓郁，原来佢个汤底非常讲究，每天用新鲜既虾用蟹放入搅拌机打粉然后攞出来隔渣而成既汤头，饮落去绝对分得出，唔系用罐头蟹膏沟既汤底来，$83绝对比食日本拉面高性价比
仲有蟹肉饼系用猪肉同蟹肉混合而成 啡色𠮶啲系蟹膏来，来到一定要试
烤牛肉沙律 $98
好少见到系青瓜底嘅沙律，上枱既卖相好有食欲 上面仲加上黑椒碎， 洋葱同蕃茄仔，牛肉好多块，当我食第一淡牛肉感觉好特别既味道，肉身弹牙有咬口，味道带点酸香加上香料既味道，老板娘话原来呢个腌制系秘方来，外面食唔到既味道。呢个又系必定要叫既。
鲜虾米子卷 $78
其实我不嬲对米卷无咩好感，可能系我之前食开既米卷都系里面松散平平无奇，要加上酸汁先会好食d,所以开头对呢度既米卷都无咩期望，但食左呢度既米卷后，对米卷有一个大改观，食落口感丰富内里 馅料饱满，有不同层次既味道原来入面加左牛油果｀沙律酱 ｀生菜 红白萝卜丝同罗勒叶，我可以话呢个系我食过最好食既米卷来。
同老板娘倾多阵，完全感受到佢对食物烹调嘅执著，边个话香港餐厅慢慢走向商业化机械化既出产，其实仲有一班人好努力咁经营紧佢既小店，为香港饮食界出紧力。
呢间绝对系我心目中既米猪连餐厅
俊轩越南餐厅 (中环)
中环永吉街36号永吉利商业大厦地下E号舖
#中上环美食 #香港美食 #小店 #食评家 #越南餐厅 #相机食先 #foodie #hkfood
张贴
