影片
更多
2006-07-03
38 浏览
第一次写食评, 多多指教...话说阿妈话想带婆婆去食椒盐濑尿虾, 谂住入西贡, 问我蒲唔蒲头... 阿妈叫到, 当然出现啦!!! 上车之后佢突然又话不如入老鼠州啦, 以为佢话去三圣村兴记, 点知佢话去容龙, 哗!!!容龙最正当然系砵酒焗蚝, 芝士焗龙虾同羔蟹糯米饭, 不过因为得四个人, 婆婆又指明要食濑尿虾, 所以只系响三圣村揾呀文哥买左一细筒加拿大蚝, 濑尿虾, 方利同蚬, 本来想揾多样之际, 文哥就好老实咁话3女1男, 上到去叫多碟菜差唔多啦... 好!!! 就攞咁多上容龙... 言归正传... 先上一碟豉椒炒蚬, 惹味得黎重食到蚬既鲜味, 正!!... 方利蒸得刚刚好, 肉鲜, 豉油亦调教得唔错, 不过比起上次港潮楼老板娘揾到果两条三斤重方利, 再用油盐水煮果种美味仍然比唔上(纯粹输材料)... 砵酒焗蚝始终系一绝, 外脆内嫩, 味道刚刚好, 砵酒味同蚝鲜味非常平均, 最正系咬落去重会爆出蚝汁, 不禁大叫"我爱砵酒蚝!!"... 椒盐濑尿虾就中规中举, 味道不错, 不过又无咩惊喜... 最后, 叫左碟上汤芥胆, 味道亦都唔错...婆婆对今餐当然非常满意, 本来想食濑尿虾既佢都比砵
话说阿妈话想带婆婆去食椒盐濑尿虾, 谂住入西贡, 问我蒲唔蒲头... 阿妈叫到, 当然出现啦!!! 上车之后佢突然又话不如入老鼠州啦, 以为佢话去三圣村兴记, 点知佢话去容龙, 哗!!!
容龙最正当然系砵酒焗蚝, 芝士焗龙虾同羔蟹糯米饭, 不过因为得四个人, 婆婆又指明要食濑尿虾, 所以只系响三圣村揾呀文哥买左一细筒加拿大蚝, 濑尿虾, 方利同蚬, 本来想揾多样之际, 文哥就好老实咁话3女1男, 上到去叫多碟菜差唔多啦... 好!!! 就攞咁多上容龙...
言归正传... 先上一碟豉椒炒蚬, 惹味得黎重食到蚬既鲜味, 正!!... 方利蒸得刚刚好, 肉鲜, 豉油亦调教得唔错, 不过比起上次港潮楼老板娘揾到果两条三斤重方利, 再用油盐水煮果种美味仍然比唔上(纯粹输材料)... 砵酒焗蚝始终系一绝, 外脆内嫩, 味道刚刚好, 砵酒味同蚝鲜味非常平均, 最正系咬落去重会爆出蚝汁, 不禁大叫"我爱砵酒蚝!!"... 椒盐濑尿虾就中规中举, 味道不错, 不过又无咩惊喜... 最后, 叫左碟上汤芥胆, 味道亦都唔错...
婆婆对今餐当然非常满意, 本来想食濑尿虾既佢都比砵酒蚝吸引左, 重话要食多几次... 婆婆叫到, 当然No problem啦!!!
张贴