YKK建榮

营业中

休息中

今年嘅天气唔算好冻，新年前都只系10几度左右，但系香港人钟意打边炉就冇分春夏秋冬啦。咁岩今日有朋友嚟探我，我就梗系带佢去呢间平靓正又新鲜嘅大排档打边炉啦，而家香港呢种大排档边路，就真系买少见少啦。适逢食饭时间，都有九成满座，大排档好有平民嘅气氛。首先我哋叫咗个醉鸡煲，个汤底一上枱，就已经闻到香香浓浓嘅药材味。之后新鲜嘅鸡上场啦，份量好大碟，只鸡好大只，放落个煲度滚几滚就食得，鸡肉吸收左汤底嘅精华够晒惹味，鸡肉鲜嫩，完全食唔出有雪藏嘅味道，而且皮脆肉滑，充满花叫嘅香气，食落口有一种久违嘅味道。脆肉鲩，够晒新鲜，放落个汤度滚几滚，入口爽口弹牙，呢种鱼真系唔系人人识食，但本身自己就好钟意啦，因为爽脆，又唔多骨，啱晒我呢种唔钟意食多骨鱼嘅人。紫菜响铃，呢个响铃真系不可不吃，因为系厨房新鲜炸起，而且中间仲夹住紫菜，入口松化，又可以放落个汤度吸收汤里面嘅精华再放入口，另有一番滋味。新鲜鹅肠，够晒大碟，放落个汤度几秒就可以食得，入口爽脆，又唔会好多肥膏，真系就算要减肥都要食埋今次先。