YKK建榮

营业中

休息中

朋友口水滿地噏咗幾日嘅工廠區打邊爐今日終於試到喇👏！店面俾我一種隱世美食嘅感覺，一入到去已經食指大動！首先揼咗啲海蜇黎開胃，韌而不膩，好正！白灼鵝腸真係出乎意料，彈牙得嚟不油膩，呢個菜秒殺一盤🔥！小炒王同燒乳鴿都尚可，但係鵝腸正到令其他菜都蔭過邊去。再講講呢個意外嘅驚喜豬手，黑椒汁添咗份新意，食得我心水澎湃。不過食落稍為有啲膩，可能分量足咗？🐷冰淋排骨個名吸引我地去試，味道其實都幾正點，係咁猜點解要叫做冰淋排骨呢？有啲新潮嘅感覺。點解著重荷葉蒸飯？原來係荷葉味冇嗮，白鱔同炒飯分開做show，兩兄弟未夠默契啊😂。今次食完，覺得個餐廳係可以再光顧，但下次我會集中火力攻摺啲明星菜式，希望下次可以撞正抵食啲！大家可以試吓，保證值得預埋位添！

今日來到屯門建華熟食檔晚飯，點了海蜇做前菜，之後我們叫了1.白灼鵝腸；2.小炒王;3. 燒乳鴿;4. 冰淋排骨；5·豬手；6．白鱔荷葉蒸飯。我們被安排到坐在房間內有空調環境尚算可以，小炒王和乳鴿中規中矩。值得推介的是白灼鵝腸煮得很好味，爽口彈牙，不覺得肥膩是清得最快的一碟餸，連同墊底的芽菜也很快便清了。白鱔荷葉飯，是比較遜色的一碟菜因為是炒飯加上荷葉鋪在碟上。飯沒有荷葉的香味。就是一碟炒飯上面間幾球個白鱔。豬手，豬手這東西不論在哪裏吃都出現一個問題，就是叫的時候很想食，豬手上枱的時候還是很想食，可是一吃了機件便會覺得太膩沒有太大的食慾。這道豬手菜算是比較新穎因為旁邊有黑椒汁。我們點了道菜叫冰淋排骨，點它純粹因為它的名字比較特別。講完。這消費來說我們覺得很抵食這餐廳還是會再回去的。

呢排食多咗呢間 啲早餐多款式 又平 有蘿蔔糕 厚薄多士 係幾吸引嘅但係收銀嗰個短髮男人婆真係令人卻步 口黑面黑咁 每次收錢都好似喺你上手面搶咁 態度勁差有時撞正佢落單 諗多陣都唔得 粗聲粗氣 好似嚟嘅食客全部都欠佢嘅咁 佢對啲客都咁 唔知啲同事點頂真係會因為佢唔想再嚟食

以前返工成日係以附近食飯，今日去附近工廠區拎野，所以重遊舊地黎屯門工廠區搵食。黎到YKK建榮大排檔，有小菜、打邊爐、雞煲、烤魚鍋，我地都係鐘意打下邊爐，傾下計。我地叫左卜卜蜆鮮魚湯打邊爐，煲入面材料有超多娃娃菜、粟米，沙白，娃娃菜同粟米索晒湯汁，真係好好味，湯底呈奶白色，湯底超級鮮甜，未試過打邊爐係咁飲晒D 湯，太好飲了，冇味精，最緊要飲完唔口渴我地點左小小邊爐材料，美國肥牛片、即炸芝士響鈴、牛柏葉、手打墨魚滑，抵食夾大件，真係好大碟，特別芝士響鈴，即炸架，真係買小見小，仲脆卜卜，下次要試埋即炸紫菜響鈴，另外手打墨魚滑，爽口彈牙，牛柏葉勁爽口，一D都唔韌。

大排檔平時食小菜多，真係好少會去打邊爐，朋友建議打邊爐，當然我唔會say no 啦！今日朋友帶我入工廠區搵食，工廠區都有邊爐打？黎到大排檔非常熱鬧，已經好多人打邊爐食小菜。有6款湯底可以選擇，湯底都好特別，有蕃茄豆腐牛尾鍋、澳門胡椒豬骨鍋，有幾款都想試，最後我地選了卜卜蜆魚湯鍋。卜卜蜆魚湯鍋非常足料，有娃娃菜、粟米，而且仲有超多卜卜蜆，卜卜蜆算大隻，餐廳處理得好好，沒有沙，而且係非常新鮮，所以另到湯底好鮮甜火鍋配料亦有好多選擇，打邊爐當然要食下牛，美國肥牛片非常大碟，而且肉質軟諗，而且我地都點左山根，腸仔，兩條女食已經夠晒飽。

晚上6點來到YKK建榮，係近屯門西鐵站一間大排檔。由於男友喉嚨唔太舒服，所以冇點到雞煲，而點了較健康既卜卜蜆鮮魚煲$188。卜卜蜆鮮魚煲:湯面有娃絓菜、粟米、底下有好多卜卜蜆。湯底真係有魚味，而且飲落好清甜，飲完不會口渴。卜卜蜆冇沙，鮮甜好食﹗紫菜即炸響鈴$40:係餐廳即炸，上枱仲係好脆，餐廳仲有俾泰式辣椒醬去點，自己平時好少食到包紫菜響鈴，味道不錯鮮台山蠔$78:一碟有成8隻，隻隻都好大，而且碌完唔會縮水，一咬入口鮮嫰，好重蠔味，十分推介﹗鴨紅$48:由於鮮魚湯底唔係好濃味，所以食到鴨紅原汁原味。鴨紅係個煲煮左好耐都不會變得好硬，仲係入口嫰滑~手打墨魚滑$58:食出好重墨魚味仲有唐生菜$25同西洋菜$25，健康人生~總括而言，大排檔下打健康新鮮卜卜蜆煲，別有一番風味。而且材料好夠新鮮，帶有驚喜。

天寒地凍最好打邊爐，之前老公講過電視劇"荷里活有個大老千"其中一幕講以前啲人係街邊打邊爐好有風味，咁啱今日屋企人來探我，就一家人來個街邊風味邊爐。大牌檔有大牌檔好處，揸車來到泊係附近，又睇到車，唔怕抄牌。坐落睇吓餐牌都好多選擇，湯底可以選醉鍋鷄、鷄煲、鵝煲、胡椒豬骨湯、卜卜蜆鲜魚湯。我們選了卜卜蜆鮮魚湯，起初我唔明咩係卜卜蜆，以為係豆卜蜆鮮魚湯🤣，原來係形容湯底滾起時，蜆殼敲擊煲底聲音🤣，個名起得好貼切👍，而且湯底材料非常多，抵食！老公和姐夫最喜歡食炸嚮鈴，所以一定要叫嚮鈴，我們叫了紫菜即炸嚮鈴，呢個嚮鈴有兩食，可以點甜酸辣醬，可以打邊爐食，味道好好。游水中蝦串:如其名，蝦來到一串串，而且非常生蜢，腳仔不段郁，放落水應該游到水，$88，抵食！其他食物都好好食、好新鮮，而且大碟抵食！炸魚皮魚卜本地牛肩脊墨魚滑西洋菜鵝腸雲吞、菜肉餃

天氣驟冷， 黎過暖笠笠火煱。🤗煱底有幾款選擇，但係我地有小朋友，就叫左底有幾卜卜蜆鮮魚湯煱，煱底有好多沙白，無沙，湯底好鮮甜。一人飲碗湯先開始打邊爐。蝦好生猛，上枱仲會郁，蝦肉結實。👍炸紫菜響鈴即叫即炸，好香脆，點汁食已經好好味。墨魚滑內有粒粒墨魚，打得好彈牙，好好味。菜肉餃都幾好味，好多肉汁。薯粉好特別，好闊好長，黃黃色，同平時食開既薯粉完全吾同樣。食落好煙韌好 Q 。牛肩肉雪花均勻，好有牛味，都幾大碟。雖然大排檔，但係都好衛生。隔離就係公廁，都好乾淨。隔離係 YKK 大廈，世界聞名既拉鍊大王，吾知呢間YKK大排檔同拉鍊有無關係呢？🤔😜

天氣又凍返，又係打邊爐好時機！屯門友推介哩度，因有位泊車。其實係泊街，不過夜晚冇人抄牌。呢度有D隱敝，唔係有識途老馬推介，唔係諗到。亦因為哩餐食得好味食得開心，要為大家推介下。坐好老板略略推介，有火鍋，有雞煲，有烤肉。原來咁多選擇。不過來之前已打算食火鍋，所以都係食火煱。要了一碟冷拌青瓜。個酱辣辣地，好開胃。用來點火鍋食物一流。卜卜蜆魚湯湯底。蜆好新鮮，已吐哂沙。食落好之鮮甜。湯底仲有豆腐，娃娃菜，粟米同菇。牛肉永遠都係火鍋主腳。本地牛脊肉，够新鮮脂肪及牛比例好。又够牛肉味又唔"鞋"。比起美國肥牛，我中意哩隻。海蝦極新鮮，真情仲係生的。肉質十分彈牙，配合魚湯湯底，好有海鮮味！推介！墨魚滑有驚喜。一般食過嗰D係打到好膠。哩度可能打完再混返D墨魚粒粒。所以食落又彈牙又有咬口，墨魚味同質都有！鮮魚卜(即係魚標)，好鮮。只要你烚到剛剛好，你食落會索索聲，好咬口又有鮮味。响鈴係新鮮炸的。凈食好酥脆。放湯要快起，我中意一半冧一半脆，一半索咗鮮湯味一半香酥，然後一齊係口腔中融合而散發出多層次的美味和口感。哩度的薯粉好特别，好長好闊。食時好Q Q好彈牙。佢好大份下，食完好飽。建議最後先食。炸魚皮亦不錯

又到星期五，就梗係要放鬆下啦，香港人生活節奏咁急速，難得聽日放假今晚就約咗班朋友出嚟談天說地一吐苦水，因為大家都係喺新界返工，所以朋友就約咗我嚟到屯門嘅大排檔打邊爐啦，佢話依度啲嘢又平又靚又抵食，就梗係要來捧下場啦，去到見到有位就坐唔使等人問你有幾多位坐低好快侍應就即刻攞水壺攞碗過嚟，一坐低就梗係睇下個餐牌有咩食先啦，餐牌多到眼花撩亂，人多最好都係打邊爐，於是我哋就叫咗個豬骨煲。豬骨好大舊，而且有好多，件件都充滿好多肉，淨係食個豬骨都已經覺得好流啦，湯底夠晒粥味，番茄同粟米都好新鮮，果然唔錯。頭盤我哋叫咗個涼拌皮蛋，酸酸辣辣，又唔會太過辣，啱晒香港人口味，皮蛋爽口充滿皮蛋嘅濃郁，足夠新鮮，而且價錢又抵，真係不可不吃。蟹子墨魚滑，蟹子10分之多，食落口孩子在口內爆發，口內每一個細胞都充滿蟹子嘅香氣，墨魚滑爽口彈牙，真材實料，完全食得出係手打，充滿彈性，食完一份仲想叫多一份啦。韭菜餃，食得出係自家製，皮薄，涵靚，點解咁講？因為啲韭菜好新鮮，雖然食落唔覺得有好多肉，主要係韭菜為主，但係最緊要新鮮，食落口韭菜清脆爽口，而且又唔會太大粒，一隻放落口啱啱好。豆苗，清脆，新鮮，個豬骨煲都有幾多有份，

其實呢間主打係雞煲，但我同朋友都極度想食烤魚，所以就簡左另一樣招牌。烤魚有不同嘅辣度簡，有朋友之前食過呢到雞煲，佢話bb辣都幾辣。川味酸菜魚烤魚鍋我地平出面食開少辣，穩陣起見，今次叫bb辣。烤魚份量都幾多，我諗三四個人食都可以。魚嘅辣味十足，而且仲有麻香。魚冇咩骨又滑嫩，寬粉一早已經舖係魚下面，入曬味好正。仲有唔小配菜，秀真菇、豆腐等等紫菜即炸響鈴餐廳話可以就咁食唔駛淥，哇一食落去係熱辣辣，名副其實嘅即炸。紫菜嘅香味吸埋魚湯嘅味，實在係不得了手打墨魚滑整體唔錯喎，冇雪味。爽口彈牙食辣野最岩啤啤佢，叫左枝啤酒，好爽

今年嘅天氣唔算好凍，新年前都只係10幾度左右，但係香港人鍾意打邊爐就冇分春夏秋冬啦。咁岩今日有朋友嚟探我，我就梗係帶佢去呢間平靚正又新鮮嘅大排檔打邊爐啦，而家香港呢種大排檔邊路，就真係買少見少啦。適逢食飯時間，都有九成滿座，大排檔好有平民嘅氣氛。首先我哋叫咗個醉雞煲，個湯底一上枱，就已經聞到香香濃濃嘅藥材味。之後新鮮嘅雞上場啦，份量好大碟，隻雞好大隻，放落個煲度滾幾滾就食得，雞肉吸收左湯底嘅精華夠晒惹味，雞肉鮮嫩，完全食唔出有雪藏嘅味道，而且皮脆肉滑，充滿花叫嘅香氣，食落口有一種久違嘅味道。脆肉鯇，夠晒新鮮，放落個湯度滾幾滾，入口爽口彈牙，呢種魚真係唔係人人識食，但本身自己就好鍾意啦，因為爽脆，又唔多骨，啱晒我呢種唔鍾意食多骨魚嘅人。紫菜響鈴，呢個響鈴真係不可不吃，因為係廚房新鮮炸起，而且中間仲夾住紫菜，入口鬆化，又可以放落個湯度吸收湯裏面嘅精華再放入口，另有一番滋味。新鮮鵝腸，夠晒大碟，放落個湯度幾秒就可以食得，入口爽脆，又唔會好多肥膏，真係就算要減肥都要食埋今次先。

朋友成日都話依間打邊爐又平又靚，今日終於有機會試一試啦，雖然係大排檔，但係坐嘅地方都好舒適，而且夠晒光猛，因為錯門晒客人，有啲嘈，但係最緊要嘅係店員已經十分之盡力啦。今日我哋叫咗個豬骨煲，朋友都話呢個豬骨煲做法好正宗，有胡椒味，但係又唔會好辣，番茄粟米，又夠新鮮，真材實料，豬骨夠晒大嚿，全部份量都好大好新鮮。我哋叫咗一碟牛頸脊，超級新鮮，牛肉嘅味道夠晒濃厚，果然係上等貨色。魚卜夠晒新鮮，而且份量有多，價錢實惠，真係自己去街市買，都唔會咁平啊，放落個湯度，滾幾滾，就食得，唔會有腥味，爽口又彈牙，完全感受到佢補充緊我嘅骨膠原。蟹子手打墨魚滑，肉質夠晒紮實，而且味道濃厚，軟硬適中，入口每一粒蟹子深透口內每一個細胞，份外滋味。

話說今日要去屯門探朋友，就上網睇下附近有咩好食，見到話呢間的火鍋又平又好食就一於來試下啦!😆來到已經有好地道的大排擋風味，夥記們都好好服務態度，又會俾哂佐料大家食火鍋。8點度就已經坐滿晒人😚今次食嘅係卜卜蜆鮮魚湯鍋，蜆方面絕對好夠份量! 食下食下起碼有幾十隻，而且非常鮮甜好味，抵食!😘個湯仲有好多娃娃菜同雜菇，吸收晒個湯汁，好鮮甜😋👍🏻跟住再叫左個美國肥牛片($78)，份量仍然係毫不客氣，大大碟好好味!我地仲叫左帶子片、芋絲、蟹籽丸、即炸響鈴同西洋菜，每樣野都唔會係得幾粒，全部貨真價實!原味即炸響鈴炸到又薄又脆，仲可以即食，熱辣辣食更好味!😍😍咁樣食法2個人都係4百幾埋單! 正!👍🏻👍🏻

今年天氣唔算好凍，新年前都係10幾廿度，都係著短袖衫出街舒服啲。雖然打邊爐都係喺冬天凍冰冰圍住個爐正的，但呢排突然又有打邊爐既癮。 之前食開大牌檔原來係另一邊有分店專打邊爐，咁就岩哂我啦。去到首先揀返一個煲，之後再揀啲配料慢慢打。雞煲是我的最愛，次次打親都要成隻上，即使兩個人去刷都好過癮。雞煲醬汁夠哂惹味，我只係叫左bb 辣，見到煲上面好多辣椒都嚇一嚇，但其實真係少少辣only唔使擔心。作為主角既雞係呢個雞煲既重點，份量夠哂4個人一齊食，而且雞件夠嫩滑多肉，夠哂入味，我同朋友都食到勁full。之後加湯打邊爐，肥牛唔錯份量唔少。但最impress 我既係個脆肉鯇魚腩，每一舊都係爽口冇淋，肉質一啲都唔鬆散，夠新鮮，我自己一個人就可以食哂成碟。就咁用個湯淥佢都夠哂味，連豉油都慳番。自己都係菇既fans，啲鮮冬菇吸哂湯既精華但出乎預料之外唔係太吸油，不過千祈唔好浸得太耐唔係會好鹹。搵番啲菜調劑下，娃娃菜係好適合打邊爐，係湯底比較油既情況下都唔會吸太多油。其實雞煲好值得一試，不過呢到係工廠區人流唔多好可惜，希望會有多啲人特登黎啦！