花丸 (已結業)

每次去到大阪，都会食当地既章鱼小丸子同大阪烧。返到香港成日都好挂住佢地今日终于比我揾到啦！我哋今日去咗尖沙咀嘅花丸，去到已经坐满人，枱同枱嘅空间好大，好适合慢慢食同倾计，舒服！我叫左个飞鱼子章鱼丸＋1个盛合御好烧，同埋一个盐味牛肋肉。店员小姐再介绍咗一个可以消肉感油腻感嘅小食俾我哋，叫八爪鱼番茄腌渍。里便系有番茄青瓜洋葱夹埋八爪鱼一齐食，配买青柠檬汁感觉好清新。新感觉，值得一试。好快侍应小姐已经笑容满面咁样递埋啲材料上嚟，教我地点样整章鱼丸。指住个图同材料同个炉，图文并茂咁逐个step 解释，好细心。哗哈哈哈哈！终于完成左我人生第一粒DIY章鱼丸!好开心!唔知系咪自己整,所以觉得佢特别好味！ 之后我哋见隔离枱日本人玩得咁开心，我地又开始整我哋个御好烧。原来要整到好正宗好靓仔唔系咁容易，不过中间可以享受同honey 玩一大轮cooking mama，玩斗创意，都已经够Sweet！而且味道好好食，可能系因为材料好丰富啦，又豚肉又海虾又章鱼又八爪鱼。最后食埋佢加海盐牛肋肉，啱啱好。大满足饱晒，满载笑声中完结。