Via Tokyo (已結業)

Via Tokyo 相信无抹茶控系唔识嘅，佢系我心中嘅no.1。比起铜锣湾店，尖沙咀就更就脚，而且位置较大，坐得更舒服。哩到嘅抹茶味系甘中带香，令我回味到日本嘅雪糕。今晚食左白玉抹茶焙茶雪糕。好大碗，叹左好耐先食完，抵食。一次食哂两款茶味，抹茶较甘香，焙茶就甜一点，净食一只味会好闷，mix就至正。雪糕夹埋白玉，烟烟韧韧，口感丰富。Via Tokyo 嘅雪糕好滑，茶味够浓，又唔会过甜，所以真系好钟意食。见到店舖入面有好多明治牛奶，唔怪得咁滑啦！另外，叫左抹茶沙冰。雪糕份量俾得多，沙冰抹茶味清一点，同上层浓味雪糕互相弥补味道差异，所以唔会太流。食完觉得全身都散发住茶香，想回味日本嘅味道，哩到真系不二之选。