影片
更多
2024-09-06
2918 浏览
上个礼拜男朋友无啦啦话book到挽肉と米，虽然本身冇乜大兴趣，但话晒都叫过江龙，打吓卡都要嘅😁先讲一讲我平时嘅食量，lunch系我食得最多嘅一餐，一碟双拼烧味饭如果我食晒啲烧味啲饭最多食一啖⋯⋯所以通常都会直接分一半俾人。晚餐更加唔使讲。男朋友一早提我晏昼唔好食咁饱，因为晚餐有三旧汉堡扒同白饭任装🫨所以我lunch净系食咗一个细面包，放工𠮶阵系有d饿既。由于我哋订咗位，去到门口一企预约𠮶边，已经有个女仔开门俾我哋入去点餐，过程超快，超顺利，点完餐就可以埋位。一埋到位即刻上咗面豉汤同白饭，有人会同你讲解食法同埋啲调味系乜，虽然佢都有张纸可以自己睇。跟住相都未影完就上埋嘢饮，饮咗两啖汤就已经上第一嚿肉。旧肉冇想像中咁大咁恐怖，咬落比起我喺日本食嘅一般汉堡扒比较实净，表面烧得啱啱好锁住里面嘅肉汁。睇之前啲食评有人话旧肉好咸，我平时都食开淡口，所以唔敢落调味就咁食，系浓味嘅，但未至于好咸，我觉得唔落调味就咁食个味啱啱好，送饭一流👍🏻然后侍应有留意我食完第一旧先比第二旧，我觉得好贴心，又会介绍第二旧可以点食。到我食完第二旧，其实已经有啲饱，但都食咗三份一碗饭，正当我食紧腌菜清下个口嘅时候，第三旧
先讲一讲我平时嘅食量，lunch系我食得最多嘅一餐，一碟双拼烧味饭如果我食晒啲烧味啲饭最多食一啖⋯⋯所以通常都会直接分一半俾人。晚餐更加唔使讲。
男朋友一早提我晏昼唔好食咁饱，因为晚餐有三旧汉堡扒同白饭任装🫨所以我lunch净系食咗一个细面包，放工𠮶阵系有d饿既。
由于我哋订咗位，去到门口一企预约𠮶边，已经有个女仔开门俾我哋入去点餐，过程超快，超顺利，点完餐就可以埋位。
一埋到位即刻上咗面豉汤同白饭，有人会同你讲解食法同埋啲调味系乜，虽然佢都有张纸可以自己睇。跟住相都未影完就上埋嘢饮，饮咗两啖汤就已经上第一嚿肉。
旧肉冇想像中咁大咁恐怖，咬落比起我喺日本食嘅一般汉堡扒比较实净，表面烧得啱啱好锁住里面嘅肉汁。睇之前啲食评有人话旧肉好咸，我平时都食开淡口，所以唔敢落调味就咁食，系浓味嘅，但未至于好咸，我觉得唔落调味就咁食个味啱啱好，送饭一流👍🏻
然后侍应有留意我食完第一旧先比第二旧，我觉得好贴心，又会介绍第二旧可以点食。
到我食完第二旧，其实已经有啲饱，但都食咗三份一碗饭，正当我食紧腌菜清下个口嘅时候，第三旧就到了。
然后我就好似各位咁拎只鸡蛋，摆好个蛋黄打下卡，终于影完相，发现平时食一碗饭无论大小都要净一啖嘅男朋友竟然叫添饭😱
讲返旧肉，斋用蛋黄个味系会突出啲嘅，但我觉得太杰，始终食到第三旧有啲滞，所以我捞埋个蛋白落去湿湿地易食啲。不过因为饭已经唔系好多，所以捞埋个蛋白就变咗好湿，我本人系钟意嘅，另外再加咗少少豉油成个蛋浆饭超正，就系咁我不知不觉间就食咗三旧肉同一碗饭，连我自己都吓亲🫣
总括嚟讲我觉得净系食汉堡扒就唔特别嘅，但系成个环境气氛加埋一齐就觉得唔错，同埋喺IFC食个晚餐都系百零蚊个，仲想点？🤣
如果佢唔系咁难book我一定会再去！
张贴
