葵涌百得阿姨

营业中

休息中

今日放假自己一个人无无聊聊咁走左去葵涌广场行下街食下野，行行下开始好肚饿，于是乎就去揾野食医肚喇，经过呢间百德阿姨车仔面档，突然闻到阵阵香味，于是我就决定坐低食野，由于超级肚饿的关系，我好快就叫侍应帮我落单！不到3分钟，我叫个碗猪皮猪红猪大肠幼面(中辣)已放在我面前，一试……哗！真是超级好食！首先讲下个幼面，好弹牙好有咬口，渌得啱啱好，D面由于已经索晒D辣汁，简直好食到停唔到口，至于猪皮亦都好好食，煮到入晒味，猪红都唔错，辣辣地好惹味，猪大肠亦都炆得好淋好好食，真是样样都好鬼正，最后饮埋杯冻菜蜜，简直甜到入心