壽司處今村 (已結業)

早排靓靓女友订咗桌帮我庆祝生日，之前问极都唔肯讲去边，去到楼下见到同"峰。寿司"同一座大厦，心中打定输数(小弟去过峰但非常失望...后话)。但正所谓"柳暗花明又一村"，结果系喜出望外的一顿晚饭....女友唔钟意坐sushi bar，所以订了卡位，一入去已经招呼好好，个waitress好有礼貌。Dinner set 有两款：$380 八道菜，或$500 十道菜。女友叫了八道，而我就叫了十道。无论八道或十道，啲食物都好新鲜好好味，不过十道嘅就更精致一点。例如大家都有寿司，十道除咗有海胆外，竟然重有久闻嘅"白鱼子"！先食海胆，劲鲜甜(同我喺北海道即开即食啲一样。再食白鱼子，一放入口...哗!这个不得了! 软滑清甜，极品极品!!!!最欣赏嘅系位靓靓waitress每次端上食物都会好详细咁讲解系啲乜，同点食法。虽然讲解系唔会对食物嘅味道有任何帮助，但对于不晤日文的食客帮助很大，可以更深入咁品尝过中滋味。如此细心，值得嘉许!!!我觉得嚟呢度食嘢千袛唔好用"峰寿司"或"羽寿司"嘅水平去比较。后两者系好大众化、抵食夹大件的日式食肆。而"寿司处今村"系较高档嘅日本餐馆，食嘅除咗一般寿司店食唔到嘅食物外，