四十一冰室 (已結業)

呢间餐厅一直想去好耐，因为见佢装修几靓，影相打卡一流。但长期冇乜人食，都觉得有啲奇怪㗎啦，今次一试，果然！首先味道方面，真系非常一般，我叫左个鳕鱼扒，好干，小小汁都冇，同大学canteen质素相若。而且卫生环境都非常一般，虽然佢哋装修真系几靓，影相都好靓，但系太污糟啦，好多蚊滋飞来飞去。由于我个餐有薯条我出去攞茄汁嘅时候冇晒茄汁，我同店员讲话个茄汁樽已经冇晒茄汁啦，佢比只匙羹叫我自己撩出来。最恐怖嘅事，我一打开个茄汁樽，有好多蚊只喺茄汁樽度飞出嚟，我宁愿唔要茄汁了。最后都食唔落。留咗个非常坏的印象比我。以后唔会再嚟！