影片
更多
2024-06-04
41 浏览
约咗个钟意食靓嘢嘅朋友食晚饭，去咗尖沙咀云手工火锅店。餐厅座位十分舒适，感觉高贵。我哋点咗以下嘅菜式：牛舌心串烧（$58）：一客有两件。好钟意牛舌𠮶种油香味。牛舌心嘅部位，质感份外幼嫩唔嚡口。美国安格斯牛小排串烧（$68）：一客有五小件。烧得啱啱好，唔会Overcook，令牛小排充满肉汁，牛小排牛味香浓。火焰沙白蟹锅（$348）：呢个锅真系比足料，有成十几只沙白蚬，完整一只嘅蟹。职员首先将唐芹，红椒，沙白蚬同埋蟹爆香，再加埋芫荽炒一阵后，就加埋啲酒再点火烹调，真系香气四溢！最后职员就加埋上汤冚盖加热，煲滚之后我哋就食得喇。职员提我哋要饮咗碗汤先，我哋就照住做，果然个汤真系好鲜好香浓，大家一定要饮呀。我哋跟住就慢慢食啲蚬同埋蟹。啲沙白蚬只只都开口，好Juice鲜味。只蟹就好多膏同好好肉。美国安格斯牛肉（$268）：我哋叫咗呢个系中size，两个女仔其实都好够食。牛肉颜色鲜红，雪花分布平均。跟返餐厅嘅建议渌5-10，牛肉呈粉红色嘅状态就最食到牛肉嘅鲜味，口感亦都好嫩滑。不得不赞餐厅嘅侍应服务态度真系好好。不停地帮我哋换骨碟，又帮我哋撇咗火锅面头嘅杂质出嚟。好细心。
约咗个钟意食靓嘢嘅朋友食晚饭，去咗尖沙咀云手工火锅店。餐厅座位十分舒适，感觉高贵。
我哋点咗以下嘅菜式：
牛舌心串烧（$58）：一客有两件。好钟意牛舌𠮶种油香味。牛舌心嘅部位，质感份外幼嫩唔嚡口。
美国安格斯牛小排串烧（$68）：一客有五小件。烧得啱啱好，唔会Overcook，令牛小排充满肉汁，牛小排牛味香浓。
火焰沙白蟹锅（$348）：呢个锅真系比足料，有成十几只沙白蚬，完整一只嘅蟹。职员首先将唐芹，红椒，沙白蚬同埋蟹爆香，再加埋芫荽炒一阵后，就加埋啲酒再点火烹调，真系香气四溢！最后职员就加埋上汤冚盖加热，煲滚之后我哋就食得喇。职员提我哋要饮咗碗汤先，我哋就照住做，果然个汤真系好鲜好香浓，大家一定要饮呀。我哋跟住就慢慢食啲蚬同埋蟹。啲沙白蚬只只都开口，好Juice鲜味。只蟹就好多膏同好好肉。
美国安格斯牛肉（$268）：我哋叫咗呢个系中size，两个女仔其实都好够食。牛肉颜色鲜红，雪花分布平均。跟返餐厅嘅建议渌5-10，牛肉呈粉红色嘅状态就最食到牛肉嘅鲜味，口感亦都好嫩滑。
不得不赞餐厅嘅侍应服务态度真系好好。不停地帮我哋换骨碟，又帮我哋撇咗火锅面头嘅杂质出嚟。好细心。
张贴
