鳳城酒家 (已結業)

凤城有好多手工菜都要预订，打电话问个侍应有咩好推介，佢介绍咗个「龙穿凤」，今匀又即管试吓，啊！原来系酿鸡翼，不过唔系成只鸡翼，只系半只鸡翼，去晒骨，酿咗金华火腿，咸咸香香啖啖肉，不过断件买，仲要成$24件，唔值啫，真系唔多抵食！另外，再问个侍应仲有咩推介，佢话有个「大良炸鲜奶」，但我以前睇过杂志嘅专访都介绍过凤城，有个大良炒鲜奶，唔多觉有大良「炸」鲜奶，又话要订，谂住要订就不妨试吓啦，吓！好普通嘅炸鲜奶咋㖞，呻多一次笨！成晚系只炸子鸡、窝贴大明虾同个西米焗布甸OK啰！地方又逼，D枱凳排到密麻麻，人手唔够，招呼又唔多好，6大2细食成$1,250，果盘都无个送，食完真系觉得好贵！