Amelia Hong Kong

营业中

休息中

上次朋友带我去挑战生蚝 Free Flow，点知食咗8只就止步，今次我抱住奥运精神，先做完Gym 再嚟挑战多次，终于以14只生蚝破自己最佳记录😎。 除咗生蚝，最钟意A5和牛，油脂劲香，肉质嫩滑，仲有烧带子同贵妃蚌鲜甜多汁。最后甜品方面，开心果芝士蛋糕都唔可以错过，真心推荐🤤🚩味道和牛、海鲜等食材全部都好新鲜，生蚝几乎有我手掌咁大，即叫即开，Creamy 得黎爽滑。菜单重点主菜不能错过 A5和牛、烧带子、烧贵妃蚌、烧八爪鱼须，2款A5和牛牛扒油脂分布均匀，肉质嫩滑，各类烧海鲜都喺大大只，新鲜鲜甜。🚩环境有户外坐位，可以望到海景，但夏天会感觉比较热，建议室内座位，座位空间感大，枱面阔落，环境都尚算宽敞。🚩服务店舖一半以自助落单一半侍应落单，前菜、甜品、饮品等可以自行QR Code 点餐，而主菜生蚝等就需要由侍应落单，即叫即做，侍应们服务态度都好好，而且不时会客人互相。🚩性价比自助餐嘅价钱可以任食A5/A4和牛、海鲜等，而我觉得性价比最高嘅系+$158即开生蚝Free Flow，钟意食大生蚝嘅你，一定会食得好开心。