影片
更多
2023-03-27
2329 浏览
旧年经过已经见到呢间餐厅，难得大埔有间扒房，谂住入去试吓。但咁啱周末，爆晒棚，冇得食，心谂迟啲一定要再嚟试。上星期放工突然想食餐好，自己一丁友行吓行吓嚟到呢度，决定去会下佢。入到去冇人，谂住可能因为系平日所以先至冇乜客。见佢专做扒，价钱又唔平，心里面有啲期望😋。我拣咗Prime Black Angus Ribeye，$138/100g，扒重+/-300g。配菜可以拣两款，我要咗大啡菇同埋薯仔，另外叫咗杯红酒。落完单冇几耐，侍应拎块扒黎俾我睇， confirm系300g。我见到块扒就已经觉得伏伏地，因为完全见唔到油花咁。隔咗一阵个扒嚟到，一切落去，一如所料，好实😫！除咗因为冇乜脂肪，亦都因为我叫五成熟，但佢起码七成，亦唔觉得有牛香味。大啡菇、薯仔、红酒就正常。但呢度系扒房，配菜好食到识飞都冇用。埋单差不多$500 ，咁嘅质素完全overpriced!! 侍应问我觉得如何，我话太熟，佢先至话下次有咁嘅情况，可以同佢哋讲，佢哋会煎过一块俾我。其实佢呢番说话，系咪应该喺客人落单嘅时候讲呢？况且一间专做牛扒嘅扒房，应该对控制牛扒嘅生熟度好有经验，完全唔应该系咁。所以一定冇下次！🙅🏻♀️
上星期放工突然想食餐好，自己一丁友行吓行吓嚟到呢度，决定去会下佢。入到去冇人，谂住可能因为系平日所以先至冇乜客。见佢专做扒，价钱又唔平，心里面有啲期望😋。
我拣咗Prime Black Angus Ribeye，$138/100g，扒重+/-300g。配菜可以拣两款，我要咗大啡菇同埋薯仔，另外叫咗杯红酒。
落完单冇几耐，侍应拎块扒黎俾我睇， confirm系300g。我见到块扒就已经觉得伏伏地，因为完全见唔到油花咁。
隔咗一阵个扒嚟到，一切落去，一如所料，好实😫！除咗因为冇乜脂肪，亦都因为我叫五成熟，但佢起码七成，亦唔觉得有牛香味。大啡菇、薯仔、红酒就正常。但呢度系扒房，配菜好食到识飞都冇用。
埋单差不多$500 ，咁嘅质素完全overpriced!! 侍应问我觉得如何，我话太熟，佢先至话下次有咁嘅情况，可以同佢哋讲，佢哋会煎过一块俾我。其实佢呢番说话，系咪应该喺客人落单嘅时候讲呢？况且一间专做牛扒嘅扒房，应该对控制牛扒嘅生熟度好有经验，完全唔应该系咁。所以一定冇下次！🙅🏻♀️
张贴