新泉發潮州飯店

营业中

休息中

老公赢咗比赛有钱分，于是我哋就去食打冷。上网揾咗好耐，最后揾到呢间打冷好似几出名，于是就过咗嚟食啦。我哋嗌咗我最钟意食嘅椒盐九肚鱼、蚝饼同埋啫啫生菜煲，等咗一阵啲𩠌菜终于到咗啦，老公另外再嗌多支青岛啤酒黎贺一贺佢。首先个椒盐九肚鱼咬出嚟好松脆，但略嫌有啲细条，冇乜肉食。但值得一赞嘅系佢嘅蚝饼同埋啫啫生菜煲都煮得好出色😂蚝饼炸粉唔厚，咬落去啖啖蚝肉，啲蚝肉又非常之鲜甜，食落超满足。至于个啫啫生菜煲应该有落咗少少虾酱，煮得好入味，佢唔止落咗虾酱，仲落咗新鲜虾米，虾米都非常之大只又鲜甜。总括嚟讲今餐食得非常之满足，有机会会再嚟encore！