影片
更多
2019-04-18
725 浏览
朋友介绍话好食，一于试试。book 左7点，黎到直接入得。9个人叫左8个菜，上菜好快手。1) 胡椒咸菜猪肚，好够味，不过好辣呀！由于本人唔食猪肚，所以唔知猪肚好唔好食。但d咸菜就真系冇味啦，唔知系咪出晒味落个汤度啦，一窝都几大，够一人一碗仲有多架。2)炸薯牛柳粒，d薯仔炸过，出面甜甜地咁，几好食。牛柳粒好林，但薯仔多过牛柳好多，牛柳冇几多旧。3)豉椒炒蚬，系几惹味，配料好多，蚬都唔少。虽然d蚬冇沙架，不过就有1/4都冇开口啰。4)煎蚝饼，够晒大碟，又香口，蚝都几多，正！5)卤水拼盘，味道还可以，都入味既，不过就成碟都好碎咁，唔系好知食紧咩。9个人推荐我地食个大，但我觉得大就真系太多了，试下就算。6)椒盐双拼，九肚鱼拼鲜鱿。可以双拼又几好㖞，一次试晒两样。另外叫左个菜同生炒骨，埋单计都系$1000度，又几抵㖞。整体味道都唔错，多d人可以试多d野，但就多人等位，食完就俾人催埋单，唔可以坐得耐。坐位都比较迫，不停d侍应系你身边行黎行去咁。
9个人叫左8个菜，上菜好快手。
1) 胡椒咸菜猪肚，好够味，不过好辣呀！由于本人唔食猪肚，所以唔知猪肚好唔好食。但d咸菜就真系冇味啦，唔知系咪出晒味落个汤度啦，一窝都几大，够一人一碗仲有多架。
2)炸薯牛柳粒，d薯仔炸过，出面甜甜地咁，几好食。牛柳粒好林，但薯仔多过牛柳好多，牛柳冇几多旧。
3)豉椒炒蚬，系几惹味，配料好多，蚬都唔少。虽然d蚬冇沙架，不过就有1/4都冇开口啰。
4)煎蚝饼，够晒大碟，又香口，蚝都几多，正！
5)卤水拼盘，味道还可以，都入味既，不过就成碟都好碎咁，唔系好知食紧咩。9个人推荐我地食个大，但我觉得大就真系太多了，试下就算。
6)椒盐双拼，九肚鱼拼鲜鱿。可以双拼又几好㖞，一次试晒两样。
另外叫左个菜同生炒骨，埋单计都系$1000度，又几抵㖞。
整体味道都唔错，多d人可以试多d野，但就多人等位，食完就俾人催埋单，唔可以坐得耐。坐位都比较迫，不停d侍应系你身边行黎行去咁。
张贴
