Boholic

营业中

休息中

餐厅以米白色调为主，感觉舒闲，餐门口就已经系打卡位。🐖慢煮西班牙杜洛克猪梅肉配猪油拌饭 $92猪梅肉好软腍，唔洗点任何酱汁都够晒入味，猪油拌饭一啲都唔肥腻，食到猪油香味，但唔会油淋淋。🐂香煎慢煮纽西兰牛柳配琵琶虾 $138八成熟嘅牛柳，啱晒啲钟意食煮熟啲嘅朋友，肉质唔靭，而且肉味浓。牛柳上放左大大只琵琶虾，开左边唔洗用手剥壳，烤得好香口鲜味。🍵Fresh Ginger Honey Green Tea $42 (50% off with set)饮品做造型几特别，有个圆形波波水松木，淡淡姜味、甜甜哋嘅茶。🍫 Chocolate $38 (50% off with set)无谂过朱古力都有靓靓拉花🌸，无落糖，味道已啱啱好。🍰洛神花巴斯克烤微焦芝士蛋糕 $52蛋糕好靓，有cream 系面，又有粉红色花瓣做装饰🌺。少许焦香味混合埋洛神花，食埋个甜品感觉超满足。