INN - I’m Not Nothing

营业中

休息中

餐厅地点方便就脚，就喺一堆巴士站同地铁出口隔离，而且只系上2层，唔似其他更就楼层餐厅要等好耐䢂。入到去系另一个世界，装修用心，有罗马石柱，墙上投影住月亮花朵等嘅影片，灯光昏暗，气氛良好，但略嫌餐枱圆形同埋比较细。欣赏厕所有屏风隔一隔，关顾食客感受🫶🏻食物款式不少，亦有提供晚餐，不过晚餐嘅配搭3位女士都唔啱，所以最后散叫。头盘/小食：牛油香煎蟹饼伴柠檬忌廉脆多士(餐厅赠送)-柠檬多士第一次食，好特别；蟹饼香口，食到蟹肉丝。牛油香煎带子伴忌廉菠菜配香脆酸种面包多士-带子口感爽，菠菜竟然系汤，而且好好味，几配合 主食：烧安格斯西冷牛扒8安士半牛油烧波士顿龙虾-扒7成熟，牛味浓，皮脆肉嫩，因为太暗，估唔到咁好食；龙虾少少韧。和牛汉堡扒蕃茄意大利粉，不错。甜品：蓝莓红豆抹茶忌廉班戟-班戟好薄，红豆同抹茶好夹，食埋蓝莓好Fresh；因为有朋友生日，餐厅有提供甜品写字服务，写得好靓，打卡一流🫶🏻。餐饮+餐汤：热朱古力，有朱古力香，甜度适中。番茄汤，较浠身，味道适中。