荳子 (海壩街) (已結業)

晚餐时间经常见到荳子的餐厅门口大排长龙，今日约开旧同事食饭，决定来试一试，顺便打下卡啦！大约七点左右嚟到，排队排咗大约15分钟入得，餐厅入边唔算大，但装修都几靓，有一种文青Cafe嘅感觉。Deluxe All Day Breakfast,除咗个样好靓影相一流之外，配料都算多同新鲜，质素唔错。而冬甩嘅配搭，系All Day Breakfast来讲算系比较少见,食得出系新鲜制作，质感都算系松软好食，但系配埋个忌廉一齐食之后，其实已经变咗甜品嘅感觉了😅但整体来讲，个All Day Breakfast质素算系唔错黄金蟹肉意粉，蟹肉已经拆晒出嚟，但系都会连埋个蟹盖上碟，方便客人影相打卡其实唔系好食得出咸蛋味，但系个酱汁同个面都算好食，同出边嘅西餐质素差唔多。黑松露酱汁薯条，上碟成个配搭都好靓，影相一流！薯条即炸，质素正常，黑松露酱汁有淡淡的黑松露味，成个小食中规中矩。意粉同埋All Day Breakfast 都可以配嘢饮，今次选咗个冻嘅柠檬蜜糖饮品，柠檬新鲜，饮落几好饮！整体来讲，餐厅嘅食物质素中规中矩，唔会令人失望，而且摆碟几靓，好啱打卡影相。如果经过咁啱见到唔使排队，一试无妨！