A.T.A.S

营业中

休息中

今日同朋友铜锣湾行街，又揾到间新野未食过，新加坡菜唔系成日遇到，所以就去试试❣️面粉粿干面粉粿、猪肉、炸江鱼仔、卤冬菇、菜心、炸蒜、葱mix 埋一碗正野，好钟意呢款面粉粿，口感好特别，烟烟un un有D 年糕feel 咁，碗野一黎就闻到好香，炒得够哂干身，好味香口既鱼仔捞埋一齐食味就更加浓郁，入面又有菜同菇，D 𩠌都好丰富❣️班兰奶茶有别于一般既奶茶，茶味甘厚，饮到底都仲有一阵阵班兰味❣️客家酿豆腐拣左米粉，𩠌有好多款，每款都大大件，酿茄子、酿豆腐、酿红辣椒、酿绿辣椒、酿苦瓜、白萝卜、紫菜、炸蒜、葱、干葱头，好有巨形版煎酿三宝feel，酿肉既口感同平时都有D 唔同，会比较结实❣️玫瑰露恐龙美禄爆炸同玫瑰露恐龙二拣一抉择左好耐，最后拣左玫瑰露恐龙好有惊喜，除左打卡一流，玫瑰露仲好特别，疯狂咁食冰粒上面既美禄粉，儿时回忆偷粉食😂D 美禄粉沟埋玫瑰露冰又溶左D，味道就岩岩好唔会咁甜啦❣️炸黄姜鸡中翼邪恶既大大只炸中翼，热辣辣炸到金黄香脆，里面仲好juicy，仲有伴碟既青瓜酸萝卜就可以清下热❣️花生麻糍甜品挣扎左好耐最后拣左呢个，份量都唔少，暖暖既麻糍，口感软淋淋，花生味好香，味道一流，吉吉下就食左成碗呢