HeSheEat (THE FOREST)

营业中

休息中

和朋友旺角行街，见依间门口劲多人买牛角包雪糕打卡，好奇望多两下，就俾朋友拉左入去食。美食选择几多下，价钱都好贴地，入内环境干净舒适，甜品好吸引，样样都想食。和风大虾牛油果沙律 $98新鲜沙律菜大堆，仲有大虾、牛油果、日式腌萝卜，健康又美味。底汁用柚子醋沙律汁调味，清爽酸甜，开胃又不腻，唔错。香煎比目鱼伴蜜糖芥末薯仔 $152鱼皮煎得香脆，鱼肉雪白软滑多汁，配埋蜜糖芥末酱，甜甜地好好味。仲有新鲜沙律菜、香甜薯仔和多汁的车厘茄伴碟，perfect。宇治抹茶士多啤梨鲜奶 $56抹茶鲜奶口感甘香，搭配抹茶雪糕，增添层次感。杯底的士多啤梨酱果粒香甜，与抹茶的结合，带来双重味觉享受。士多啤梨麻糬梳乎厘班戟配士多啤梨雪糕 $128梳乎厘班戟松软，蛋香浓郁，空气感十足，好有水准。顶层放左粒士多啤梨和奶酱，配一块口感软糯的麻糬，甜而不腻，好食。(宇治抹茶、红豆、白玉) 特浓5.0牛乳软雪糕芭菲 $68牛乳雪糕口感绵密，奶味浓郁，洒上抹茶粉增添甘香。杯底的红豆、白玉、脆米和抹茶忌廉，口感丰富多样，食得滋味。