Purple Cafe (已結業)

最近见到好多人嚟呢间新开嘅purple Cafe，我就梗系要嚟影吓相打卡啦🤗去到门口就已经见到啲紫色嘅装饰，打开门更加系一片紫色嘅世界～充满梦幻效果！晚市二人套餐$388包含两款主食+两杯饮品+甜品🍮蟹柳明太子意粉🍝扁意粉软硬适中，唔会太淋，明太子、紫菜丝同埋蟹柳配上忌廉汁捞埋一齐，有少少和风嘅感觉，味道都唔错。带子蘑菇意大利饭白汁底好creamy，意大利饭口感偏硬少少。带子如果大只啲就更好。香芋波波鲜奶卖相一流，上面有cream，底下系渐变紫色嘅香芋味鲜奶，同环境非常之配合，饮落有淡淡的香芋味道，波波弹牙有咬口。超级水果茶满载夏日新鲜水果，散发住果香在配搭茶味，口感清爽。