洋食商店 (喜遇)

营业中

休息中

今日跟食评揾食，入到去感觉比想像中好，亲身感受到店主非常用心嘅布置。打卡位极多，又有野玩，系「街霸」呀，免费玩。边食边听到童年时打机嘅声，超有乐趣！我地叫左个招牌炊饭二人餐，可以话打卡之余野食都好好味。炊饭要左纽西兰草饲肉眼，好淋，好重牛味，有少少饭焦同好香牛油味。辣味鲜蚬意粉嘅蚬一上台已有鲜味，仲好厚肉，意粉系比平时食嘅爽。松露芝士薯条炸得好香，惹味，点松露酱劲夹，仲有比较特别嘅炙烧吞拿鱼配三文鱼子都好食。特色饮品加$28，杨桃柠檬话梅味道酸酸地几特别，呢个餐都几抵。