寢宮

营业中

休息中

呢间诺士佛台楼上酒吧岩嗮约朋友饮嘢吹水，环境宽敞，中间仲有一个撞球台可以玩。我地嗌左佢间signature drink“四大美女”中既西施，呢款cocktail以马提尼同龙舌兰为base，加入绿茶百香果调味，口味清清地，容易入口，中意果香既可以load多D百香果，非常清新。佐酒少不了薯条，我地嗌左一碟黑松露薯条，真系量超多，同埋炸既都好酥脆，点上黑松露酱，味道一流。Maincourse我地嗌左黑松露义大利饭，黑松露好香，饭粒都炖煮入味，非常creamy。我最中意既系西班牙海鲜拼盘，有烟三文鱼、沙甸鱼、鱼子酱配搭蒜香多士。多士真系好脆口啊！咸咸地，送酒一流。仲有新鲜既翡翠螺，好新鲜！因为我地都好饱，所以都冇嗌其他主食。见到隔离枱有嗌火焰烧鸡，绝对是打卡之选，下次可以再尝试。