The Pearl

呢间餐厅佢个装修真系好有feel，古典美术主题，成间餐厅都几靓，无论同朋友定情侣嚟都啱晒。推介秘鲁吞拿鱼拌蕃茄莎莎配香烤鳕鱼脆片及黑醋汁，呢个前菜真系好fresh，吞拿鱼同蕃茄莎莎好夹，再加埋鳕鱼脆片，口感丰富，好有层次。另外蒜片橄榄油封大虾配佛卡夏多士都唔错，大虾好弹牙，配上香脆嘅佛卡夏多士，再加埋蒜片橄榄油，真系一流。主菜方面，和风原只玑煮鲍鱼配野菌意大利饭真系劲正，鲍鱼煮得好嫩滑，配上野菌意大利饭，味道浓郁，好有口感，食完仲想再食。仲有可以试下佢地o既慢煮西班牙黑毛猪鞍架，肉质嫩滑，经过慢煮后好入味，真系唔试唔得。来得呢d餐厅, 点少得cocktail同mocktail。Pearadise 呢款cocktail真系易入口，有阵阵梨味，酒精浓度唔高，清爽得嚟又有层次。Mocktail方面，推介Rosy Romance，个名够浪漫，冻泡玫瑰茶配新鲜苹果汁，味道甜而不腻，唔饮酒嘅人都可以试下。