洋食商店 (喜遇)

营业中

休息中

搬来呢区两个月，开始要发掘多啲附近嘅食店，今日就拣咗呢间好多好评嘅洋食商店。果然系洋食商店，既系食店又系商店。店内周围都系打卡位。坐低之后店员就奉来餐前小食，系我最钟意食嘅枝豆。第一次嚟咩都想试，所以就拣咗串烧拼盘，入面包括有烧虾、五花腩、秋葵、鸡翼、冬菇同菠萝，个人认为五花腩同烧菠萝甚有惊喜。另外仲叫咗一份明太子玉子烧，呢个价钱连埋有表演睇，真系绝对不能错过。玉子烧上布满明太子沙律酱，以火枪即时烧至焦香。最后放上山咁高嘅蟹籽，真系物超所值。日式炖牛肋肉个汁都几好味，不过以份量而言，性价比相对较低。上网见好多人大赞呢个真·甲罗烧手工Pizza，我当然都要试吓，果然充满气势。整个Pizza布满咗蟹膏，蟹盖上仲有蟹肉同海量嘅蟹籽，仲有只蟹钳俾我哋慢慢品尝，果然系必食精选。另外我哋仲点咗两杯特饮，分别系黄色嘅爆打双柠绿同绿色嘅话梅薄荷青柠梳打，两杯都咁清新怡人。