Tommy Yummy (翡翠中心)

营业中

休息中

约咗朋友去大馆，OpenRice揾到依间喺扶手电梯附近嘅泰国菜餐厅，好似几吸引，特别系啲嘢饮同甜品，所以就决定试吓啦。叫咗一份海鲜冬阴功金边粉，一杯粉红椰子水，同一碟泰式炒通菜。冬阴功汤底唔太辣，易入口，越食越开胃，食完餐饭都唔会话觉得好咸或者好重味精，似系真材实料。配料份量都足够，有蘑菇、虾、鱿鱼、青口同芽菜𠮶啲配菜。金边粉嘅份量都足够，符合性价比。泰式炒通菜好有镬气，冇谂过喺大排档以外嘅地方都有咁惹味嘅通菜，食得出有少少辣，但系都接受到，份量亦都合理。我最钟意就系杯嘢饮，睇得又打得卡，卖相一流，味道都几好味，系淡淡地嘅甜味再加椰子水，感觉几健康。整体嚟讲呢间嘢，食物质素符合性价比，我会再encore。