和道屋

营业中

休息中

今日特登黎尖沙咀同无脸人打卡影相，顺便食个Lunch! 无脸人就坐响门口等我，长櫈可以排排坐一齐影相打卡，沿楼梯上去都系满满和风装饰，好像去左日本旅行咁，非常打卡able!餐厅内装修好靓，有一排和式卡座，座位相当阔落。午市有好多款定食选择，价位大概百零左右，上专页订枱有88折。侍应推荐厚切吉列千岁米豚，见到旁边都有人叫左，又真系好厚切好吸引，但新年期间真系食得太多炸野，所以就拣左黄金蟹膏鹅肝丼，同埋火炙牛配卡邦尼乌冬。定食包沙律、面豉汤、仲有一粒汉堡肉粒。（睇落以为系红豆蓉甜品😂）💛黄金蟹膏鹅肝丼有蟹膏有蟹肉仲有鹅肝，鹅肝香得黎无好油好漏既感觉，将蟹膏蟹肉同饭捞埋一齐食，食到好香甜既蟹膏味，好好味，成碗饭可以食到干干净净。💜火炙牛配卡邦尼乌冬围住只碗成个10片牛，只系轻轻火炙过，半生熟软绵绵既口感，好正，卡邦尼意粉都好岩本人口味，唔会好咸好重味。另外叫左一杯拖罗海胆刺身杯，估唔到又几大杯下，海胆好新鲜，拖罗无咩筋唔错，两个人share一杯岩岩好。