第一郡

营业中

休息中

七点左右已经好多人排队，柠檬汁、是拉差酱、水、斑斓水系自助形式，冇收加一服务费。嘢食种类唔多，价钱以越南餐厅嚟讲属于平，整体系几抵食。有得叫外卖，位置方便，lunch time应该好多打工仔食。*蟹膏番茄汤檬 $65汤头稀身，鲜味比以前深水埗旧舖逊色唔少，番茄味唔算好浓郁，檬粉又唔够索汤。一大块蟹膏饼、猪红、扎肉，猪红少失望，偏小块又硬身，不过价钱上系好抵食。烤猪肉捞檬 $55份量合理，烤猪肉微干身，但唔会冇肉汁，不过唔够焦香焦脆。配料有芽菜、腌萝卜丝、青瓜丝，食落清爽但比较普通。烤猪肉法包 $62法包外皮烘到脆卜卜，包住烤猪肉、腌萝卜丝、青瓜丝、芫荽。整体感觉唔错但唔乜特色。斑斓糕 $15上下各一层斑斓糕，烟韧带斑斓香，中间夹椰子蓉，配搭好夹又好食。牛油果沙冰 $35牛油果味唔系好浓，感觉系用生啲嘅牛油果，清爽感多啲，唔会过腻。