影片
更多
2023-11-14
917 浏览
大闸蟹同辣嘢不嬲都唔系我最但系老婆大人钟意我当然本咗条命都陪佢食！所以呢晚我哋去咗食大闸蟹加川菜所以佢开心到爆炸。拣咗去K11 MUSEA嘅邓记川菜呢间川菜馆同我之前去过嘅有好大分别，入面嘅装修好型仔唔讲真系唔知佢系食中菜，仲有个劲正嘅酒吧同埋开扬嘅维港靓夜景，咁嘅配套嚟呢度食饭真系冇得输啦。我哋今晚10个人就系喺呢间房度开大餐，地方够晒大而且我哋咁嘈啱晒啦哈哈哈。乜嘢都唔好讲住整返杯正嘢饮下先！呢杯叫做阳澄湖酒香寻唔讲你唔知呢个系用花雕整出嚟嘅鸡尾酒，个杯边仲黐满话梅同埋陈皮粉，记住唔好用饮筒就会饮到又酸又甜又香酒味嘅正嘢，好味到我饮咗两杯啊嘻嘻。有靓酒梗系要有啲送酒嘅小食嘅！枱面呢个香脆花生炸黄豆要来送酒一绝。人齐可以上菜我哋嗌咗大闸蟹套餐因为唔使烦吖嘛！呢个大闸蟹套餐有成九个菜咁多今晚饱啰！前菜有三碟呢一个系凉拌墨鱼，唔食得辣嘅我都觉得呢个凉拌墨鱼唔算好辣，墨鱼条食落去仲好香好软劲醒胃。想清爽啲呢一个蒜汁秋葵就啱晒喇！好鬼钟意秋葵外面脆脆入面黏黏嘅口感唔知你哋又欣唔欣赏呢。跟住呢个就啱晒我因为系鲜椒子姜牛舌，又香又软嘅牛舌好浓味不过我食嘅时候一定要撇开啲辣椒！下面嘅子姜就啱晒老婆
拣咗去K11 MUSEA嘅邓记川菜呢间川菜馆同我之前去过嘅有好大分别，入面嘅装修好型仔唔讲真系唔知佢系食中菜，仲有个劲正嘅酒吧同埋开扬嘅维港靓夜景，咁嘅配套嚟呢度食饭真系冇得输啦。
我哋今晚10个人就系喺呢间房度开大餐，地方够晒大而且我哋咁嘈啱晒啦哈哈哈。
乜嘢都唔好讲住整返杯正嘢饮下先！呢杯叫做阳澄湖酒香寻唔讲你唔知呢个系用花雕整出嚟嘅鸡尾酒，个杯边仲黐满话梅同埋陈皮粉，记住唔好用饮筒就会饮到又酸又甜又香酒味嘅正嘢，好味到我饮咗两杯啊嘻嘻。
有靓酒梗系要有啲送酒嘅小食嘅！枱面呢个香脆花生炸黄豆要来送酒一绝。
人齐可以上菜我哋嗌咗大闸蟹套餐因为唔使烦吖嘛！呢个大闸蟹套餐有成九个菜咁多今晚饱啰！
前菜有三碟呢一个系凉拌墨鱼，唔食得辣嘅我都觉得呢个凉拌墨鱼唔算好辣，墨鱼条食落去仲好香好软劲醒胃。
想清爽啲呢一个蒜汁秋葵就啱晒喇！好鬼钟意秋葵外面脆脆入面黏黏嘅口感唔知你哋又欣唔欣赏呢。
跟住呢个就啱晒我因为系鲜椒子姜牛舌，又香又软嘅牛舌好浓味不过我食嘅时候一定要撇开啲辣椒！下面嘅子姜就啱晒老婆大人食。
我哋每人都有碗海椰皇炖玉竹老鸡汤，热辣辣嘅靓汤又香又甜梗系好味啦。
跟住今日嘅重中之重大闸蟹上枱喇！我哋每人都可以有一只五両半重嘅大闸蟹公，以拣清蒸或者花椒煎焗我同老婆大人梗系每样要一只啦。
虽然我唔系好钟意食大闸蟹嘅膏！但系老婆大人搣到咁样俾我食几唔钟意都觉得又甜又好食，不过讲真呢只大闸蟹嘅肉真系好鲜甜嘅，啲膏咪交俾老婆大人帮我搞掂佢啰。
另外呢只花椒煎焗大闸蟹比佢打破晒我嘅固有思想！原来用花椒焗嘅大闸蟹可咁甘香咁正，面头一粒粒嘅花椒记住要食埋佢啊，好似食紧小食咁脆卜卜劲过瘾。
食完蟹之后送咗碟又邪恶又好味嘅蟹粉豆苗嚟，蟹粉拆得好企理全程冇食到有蟹壳，仲要一啲腥味都冇剩系得鲜甜甘香嘅味道加埋啲嫩口豆苗正呀。
去到差唔多尾声有呢个劲香口嘅和牛粒麻婆豆腐，唔食牛肉嘅老婆大人都要嗌个白饭嚟捞豆腐食，咁你哋就知道呢个麻婆豆腐几好味啦！对我嚟讲系辣咗啲不过捞饭食都可以嘅，最重要系啲和牛粒真系好香好好味劲正。
如果唔够饱唔使惊因为呢个餐仲有一份花胶蟹粉拌面！蟹粉拌面已经够丰富加埋啲花胶更加唔得了！师傅好鬼细心仲整多碗鸡汤绝对唔会怕干。
食大闸蟹有姜汁乜乜乜做甜品就一定㗎啦！我哋呢晚食嘅都系传统姜汁汤圆，食完寒凉嘅大闸蟹要嚟暖胃就一流，再加多两粒胖胖嘅汤圆想唔饱都几难。
张贴
