海皇漁港

营业中

休息中

本来食咗早餐，准备同邻居打波。但系邻居话打波前打打底，咁就揸车过咗马鞍山食嘢，佢就俾咗两间选择我最后就拣咗饮茶，之前有其他邻居话质素差咗，咁就要亲身试吓系咪真系咁样。啱啱嚟到可以落下午茶飞，等咗大概半个钟头就入得座。因为以前成日同屋企人嚟饮茶，本身就唔系咁想影相，所以最初碗烧鸭米线都冇影到，因为都系俾啲鸭尾搭两件上庄肉。因为冇乜期望，所以都系影一张全家福就算。但系食落又唔系真系咁差㖞，个XO酱炒萝卜糕大大件XO酱亦都好多同埋唔会煎到油淋淋。个芋丝饼虽然就切到细细粒同以前个卖相有啲唔同，但系都整得好脆口，相当好食。虾饺烧卖都系正常表现，牛肉大大粒啲马蹄都几爽口。系个抄手就普通啲云吞加辣椒油，但系就唔辣嘅。个皮蛋瘦肉粥我就几钟意，因为够杰挞挞。但系个牛仔骨佢唔知系咪落错咗喼汁落去腌，有啲酸，但系就唔似变坏𠮶只酸味呢个就有少少扣分。一来个味道二来个份量，中间整嚿大芋头嚟晾高，佢一笼里边都多牛仔骨。整体嚟讲同以前食差唔多，近近地又系一个唔差嘅选择。