彩興來來火鍋 (已結業)

早排系将军澳地铁站出面见到个广告灯箱，先知道附近屋苑新开左间火锅店，近排天气终于凉左即刻等唔切要打边炉，就决定同屋企人黎试新野～讲真...唔系专登去揾呢间舖都唔知道帝景湾有个商场...沿路靠住火锅店既广告灯箱指示先识入去...虽然沿途人都唔多个，不过黎到舖头又有唔少客，坐满8,9成，睇黎几受街坊欢迎，个心都定啲！师傅话生铁镬平时要用麻油养住先唔会生锈，用之前会笔走麻油，然后即场爆香姜蒜头，落埋鸡件、花胶、虫草花去炒，再落鸡汤煲至大滚，迫出食材既鲜味，煲成黄金鸡煲，睇落就好滋补，饮落的确非常鲜甜，4个人每人share到2-3碗，好暖胃，花胶大大块绝对系女士补充⻣胶原既恩物，鸡肉仍然好滑，食到咁上下就加清汤打边炉～非常脆身又多肉，好正！不过有几件较厚身就难啲熟透，好彩同屋企人食再渌过都冇所谓～粒粒都劲足料，我就比较钟意黑松露蘑菇牛丸既浓郁香味，中间系流心黑松露酱，无得输！花胶粒北菇肉丸好重香菇味，充满家常菜既亲切感，好岩我口味～肥牛食得多，呢餐想同屋企人食好啲，叫左最贵个只牛肉，果然一分钱一分货，每块既油花都分布均匀，所以每啖肉都好细致嫩滑，肉味浓郁，的确物有所值，赞！另外仲叫左两款小食～