不倒翁中日火鍋料理

营业中

休息中

突然间好想打边炉，放工后就约咗老公去打边炉。坐低后，侍应就攞咗载着8款酱料的盒俾我哋自行调配酱料。跟住就拣咗火锅汤底和配料。🌸招牌鸳鸯锅鸳鸯锅汤底系沙嗲拼莞茜皮蛋，汤底劲浓厚，沙嗲汤有劲多花生粒，而莞茜汤底味道亦很浓和马蹄清甜。🌸顶级驼鸟肉驼鸟肉颜色呈深红色，冇咩脂肪，就算渌佢的时间耐咗，质地软滑冇腥味。🌸招牌四宝丸四宝丸有墨鱼丸、虾丸、鲮鱼丸和牛丸。虾丸味道浓郁，放入沙嗲汤底，我觉得牛丸最好食，味道香浓而弹牙，系最有惊喜。🌸不倒翁金牌手切肥牛（脊位）肥牛的油花都几均匀，肉质几有嚼劲，牛味浓郁唔膻，就算放系沙嗲汤底个边渌都冇被沙嗲汤掩盖佢的味道。🌸鲜淮山淮山色泽雪白，口感爽脆。🌸油麦菜油麦菜新鲜，口感脆嫩。