CJ Cafe (已結業)

马鞍山真系好少专登走入去，就系有日走去揾马鞍山既朋友拎电脑野，佢就话我入得黎就兜多阵，带我去个外边人未必边既地方食野真心讲个个都知马鞍山系美食荒漠，住宅区又咁僻，佢唔带路我都唔识去。我地7点几就准备去医肚，朋友话间餐厅系游池侧边既，平平地又可以锯下扒既Café，其实一试又无妨一入餐厅员工就好热情咁招待我地系近游池既窗口位坐低，睇睇佢个餐牌，以西餐为主，价钱方面都几实惠，于是我地一人拣左一个扒餐黎食。成个餐除左有主菜，仲有餐包同汤，咁今日既餐汤就系杂菜汤而餐包系蒜茸包，餐汤既除左有蕃茄既酸味之外，仲带有少少甜味，好开胃，同埋D菜煮得唔算太烂，食落几爽。蒜茸包佢都落得几多，成个包面都系蒜茸，仲好脆架。食完餐汤同包，当然紧系食主菜啦，我叫左个炭烧美国菲力猪柳配薯菜，加蒜茸汁，佢用既唔系某大型连锁快餐店或者街边小食店既薯条，而用左好似Fish & Chipsr咁粗既薯条，食落热辣辣脆卜卜，证明真系岩岩炸起而个猪柳够厚，咬起黎有少少过熟，但系都无影响到佢整体既味道，而且D肉质唔鞋，啖啖肉呢咁唔少得紧系一杯凉浸浸既饮品啦，我嗌左一杯芦荟水晶利宾纳，一粒粒爽口既芦荟加埋利宾纳，好解渴。