影片
更多
2024-05-13
14 浏览
🌟餐厅：正潮楼📍地址：铜锣湾新宁道8号中国太平大厦第一期地下B号舖💰价位：～$400 - $800⏰营业时间：星期一至日12:00 - 15:00 / 18:00 - 23:00📱电话：21165519讲起潮州菜，好友介绍我去一间承传正宗潮州传统文化既餐厅👉🏻铜锣湾「正潮楼」分店，餐厅特意聘请国家级潮菜烹饪大师主理，即刻嚟到捧下场先😻 😻———————————————————🔹 鹅肉拼鹅肝潮州菜招牌菜式，取材潮汕澄海区狮头鹅，肉质饱满，鹅油丰盛，师傅将鹅肉切片起肉，薄薄嘅油脂搭配嫩滑嘅鹅肉，超级满足！粉嫩嘅鹅肝入口滑顺，细微咀嚼慢慢渗透出油香及卤水香气，超出色！———————————————————🔹 红烧鱼翅招牌菜既红烧鱼翅，采用传统古法处理，先将金勾翅发开，再用老鸡及金华火腿等材料熬制汤头，令金勾翅更入味～鱼翅入口啖啖软腍滑顺，咸鲜味浓！———————————————————🔹 富贵石榴蟹富贵石榴蟹系一道经典失传潮州菜式，其制作过程工序繁多，先将新鲜肉蟹蒸熟后拆肉，搭配马蹄等爽口食材作为馅料，外层再以蛋白煎成蛋皮，包装成石榴形状。蒸熟后馅料饱满，再加上清澈嘅芡汁，最后加入蟹膏点缀，
📍地址：铜锣湾新宁道8号中国太平大厦第一期地下B号舖
💰价位：～$400 - $800
⏰营业时间：星期一至日12:00 - 15:00 / 18:00 - 23:00
📱电话：21165519
讲起潮州菜，好友介绍我去一间承传正宗潮州传统文化既餐厅👉🏻铜锣湾「正潮楼」分店，餐厅特意聘请国家级潮菜烹饪大师主理，即刻嚟到捧下场先😻 😻
———————————————————🔹 鹅肉拼鹅肝
潮州菜招牌菜式，取材潮汕澄海区狮头鹅，肉质饱满，鹅油丰盛，师傅将鹅肉切片起肉，薄薄嘅油脂搭配嫩滑嘅鹅肉，超级满足！
粉嫩嘅鹅肝入口滑顺，细微咀嚼慢慢渗透出油香及卤水香气，超出色！
———————————————————🔹 红烧鱼翅
招牌菜既红烧鱼翅，采用传统古法处理，先将金勾翅发开，再用老鸡及金华火腿等材料熬制汤头，令金勾翅更入味～鱼翅入口啖啖软腍滑顺，咸鲜味浓！
———————————————————🔹 富贵石榴蟹
富贵石榴蟹系一道经典失传潮州菜式，其制作过程工序繁多，先将新鲜肉蟹蒸熟后拆肉，搭配马蹄等爽口食材作为馅料，外层再以蛋白煎成蛋皮，包装成石榴形状。蒸熟后馅料饱满，再加上清澈嘅芡汁，最后加入蟹膏点缀，卖相精致，入口层次感十足！
———————————————————🔹 玉枕白菜
玉枕白菜系最地道传统嘅潮州手工菜式！选用猪颈肉、鲜虾、虾米及香菇等食材作为馅料，外层以嫩滑嘅津白菜包裹，经过炆煮后，津白入口juicy，索尽馅料嘅香气，淡淡渗出潮州家乡菜风味！
———————————————————🔹 脆皮酸甜蚝
主厨皇牌菜式！
选用台山蚝，大大只够晒肥美，外层炸至酥脆再搭配餐厅主厨自家研制酸甜汁，更能提升蚝肉嘅鲜甜味！
———————————————————🔹 香炒瑶柱松
香炒瑶柱松完美演绎师傅嘅厨艺！特别选用优质日本瑶柱，经过浸泡后，搭配马蹄、韭菜及肉松爆炒，干身得来，深透出瑶柱嘅香气，再以生菜包裹，令口感更突出！
———————————————————🔹 梅汁蒸马友鱼
潮州位于沿海位置，渔获甚丰，有独特嘅烹鱼技巧！呢道梅汁蒸马友鱼，马友鱼脂丰富又够厚肉，加入酸香味十足嘅梅子汁精制，当中嘅酸味及鱼脂嘅浓香完美搭配，食落鲜味十足！
———————————————————🔹 榄仁南瓜羹
榄仁南瓜羹，材料丰富，健康营养之选！将南瓜蒸熟再揽伴，加入上汤煮至滑顺，同时加入榄仁熬制，形成浓稠汤羹，层次感丰富，每啖都嫩滑香甜，南瓜更是香气浓郁！
———————————————————🔹 豆酱炒麻叶
麻叶系来自潮州既独有蔬菜！麻叶即黄麻嘅嫩叶，纤维感十足，潮州人一向加入蒜蓉及普宁豆酱清炒，入口零舍惹味，味道微微甘，值得一试！
———————————————————🔹 芋头炒香饭
潮汕家常炒饭，以砂锅炒制，芋头入口粉糯，搭配简单嘅配料，米饭炒至粒粒分明，够晒干身，热辣辣香喷喷！
———————————————————🔹菜脯炒粿条
传统潮州主食！咸咸咸香香嘅菜脯粒入口爽脆惹味，加入滑顺嘅潮式粿条翻炒，够晒滋味！
———————————————————🔹桔饼姜薯粿
潮式桔饼我都系第一次试！以潮汕地区特有嘅姜薯磨成泥状，酿入潮州桔饼，蒸熟后，晶莹剔透，入口Q弹粉糯，何其满足！
———————————————————👅整体小总结
一向都好欣赏充满地道特色嘅中菜！潮州菜亦系我喜爱菜式之一！
呢度提供嘅潮州菜，食材以至烹饪技巧，都充满正宗潮州传统特色，将简单嘅食材变化出色香味俱全精致潮州菜式！
加上餐厅装修环境宽敞，陈设古色古香，用餐氛围舒适，想一尝正宗潮汕美食嘅朋友仔，不容错过！
张贴
