影片
更多
2022-01-07
191 浏览
趁最后一日有堂食，大家都食尽佢。我发现身边嘅朋友都好钟意打边炉，所以又系去打边炉! 好少嚟上水区，所以唔知拣边间，住上水嘅朋友就叫我同佢去食牛摩，好彩朋友知道应该好多人食，所以就一早用定电话app攞飞，所以去到唔使点等就有得入座啦，排队嘅时候见到门口有一个放日本和牛嘅雪柜，见到雪花纹都系好靓!都唔知几耐之后先再有得食晚市，所以就食豪小小，食美国和牛套餐，汤底见到有个牛魔头嘅鸡白汤，好得意所以就嗌咗佢!坐低好快就已经有个汤底，见到实物真系好得意，不过个煲滚得好快，所以个牛魔头就好快溶咗了。落单嘅时候可以拣要唔要第一轮嘅鸡同猪，我同朋友就麻麻地鸡，所以就净系要猪同牛就算。见到第一轮啲和牛觉得雪花纹好靓，而且碌完之后食落去肉质都系嫩嘅。叫咗下两级嘅牛肉试下，发现真系喺味道同色泽上面真系有分别！座位出面可以拎到蔬菜同埋一啲丸类配料，朋友就拎咗啲乌冬，我就拎咗玉子豆腐同埋寿司试下，酱油区都有好多唔同嘅配搭我就拎咗柚子醋同埋豉油。饮品都有几个柜可以拎到唔同嘅嘢饮，朋友就拎咗解茶但系我就梗系拎沙冰饮啦平时出面买好贵㗎嘛。有苹果沙冰同埋芒果沙冰，我就拣咗苹果沙冰，甜度适中，而且都唔会好快溶雪，几好。朋
都唔知几耐之后先再有得食晚市，所以就食豪小小，食美国和牛套餐，汤底见到有个牛魔头嘅鸡白汤，好得意所以就嗌咗佢!坐低好快就已经有个汤底，见到实物真系好得意，不过个煲滚得好快，所以个牛魔头就好快溶咗了。落单嘅时候可以拣要唔要第一轮嘅鸡同猪，我同朋友就麻麻地鸡，所以就净系要猪同牛就算。见到第一轮啲和牛觉得雪花纹好靓，而且碌完之后食落去肉质都系嫩嘅。叫咗下两级嘅牛肉试下，发现真系喺味道同色泽上面真系有分别！座位出面可以拎到蔬菜同埋一啲丸类配料，朋友就拎咗啲乌冬，我就拎咗玉子豆腐同埋寿司试下，酱油区都有好多唔同嘅配搭我就拎咗柚子醋同埋豉油。饮品都有几个柜可以拎到唔同嘅嘢饮，朋友就拎咗解茶但系我就梗系拎沙冰饮啦平时出面买好贵㗎嘛。有苹果沙冰同埋芒果沙冰，我就拣咗苹果沙冰，甜度适中，而且都唔会好快溶雪，几好。朋友觉得猪肉肥瘦适中，亦都系嫩口，唔错唔错。本身个套餐包埋墨鱼滑，但系太迟嗌，所以已经卖晒啦，真系好可惜。不过见到仲有鸭血同埋牛舌，我觉得牛舌系惊喜地好食，薄薄地所以可以好快熟，牛舌嘅味道足够之余亦都有牛舌嘅爽脆感觉。所以牛舌我自己都嗌咗四五碟嚟食。密密食一个钟头之后就开始收手食甜品，呢间同屯门𠮶间相比，就冇咗乳酪味雪糕，不过朱古力味雪糕都系几好食，而且可以喺隔离系咁加唔同嘅配料，咁就丰富咗成个雪糕! 甜品柜仲有泡芙同埋布甸，不过我食咗雪糕已经好足够，等迟啲再储下钱食高一级嘅牛肉。
张贴
