孖寶車仔麵

营业中

休息中

今次黎到葵广不系食小食，因为行完街好想坐低慢慢食野抖下，于是就嚟到地下嘅孖宝车仔面。哩度除咗供应车仔面之外仲有一系列的卤水小食和客饭。真系好多选择，最后我哋叫咗一个招牌车仔面和三𩠌面，另外再加多只卤水鸡脾。孖宝招牌面果然系招牌车仔面，有好多不同配料：卤水鸡翼，猪大肠，猪红，猪皮，鱼蛋和萝卜，超抵食！每样配料都非常入味油面软硬度适中，不会过腍！而最重要的汤底加入腩汁后，令到整碗面味道提升不少自选三𩠌面 三𩠌面就拣左猪大肠，牛杂和爆浆肉丸配手打面。猪大肠卤得入味，而且非常有嚼劲；牛杂入面以牛肺最好，比一般较为厚身，口感腍滑，唔会散哂亦有啲咬口。汤底另加小辣汁就非常惹味，又不会过辣最有惊喜的反而是鸡髀和奶茶!本以为是普通的卤水鸡髀，势估唔到店家只系用普通豉油去做，但系却有一股非常香甜的味道，鸡脾本身亦嫩滑无比。最重要是价钱绝对不贵，只要$18。而热奶茶的茶底亦十分甘香，而且不会有太多奶盖过茶香，建议落少少糖一齐饮。