盛記

营业中

休息中

今晚自己一个，食完个小菜饮完支啤酒谂住走，隔离枱两个老外叫嘅椒盐鲜鱿终于到，我真系大开眼界，亦都可能系我孤陋寡闻，佢所谓嘅椒盐鲜鱿原来就系时菜炒鱿鱼，两位老外一直都好礼貌话唔系要呢个，一路指住菜牌上Deep Fried xxx，个阿姐同个老细坚持𠮶个就系椒盐鲜鱿，佢话佢哋嘅椒盐系唔上粉，呢样野我就唔拗啦，但系菜牌上写着Deep Fried，又点解释啊？出于为公理嘅心态，我都有同佢老细讲：「椒盐鲜油唔系咁㗎㖞！」个老细仲想叫我去令两个老外接受𠮶个就系椒盐鲜鱿，我睬佢都傻，就算我肯接受𠮶个系椒盐，我都接受唔到Deep Fried嘅系「炒」。