泰發泰國餐廳

营业中

休息中

对上一次食咗间元朗泰菜，又贵又唔饱，味道又唔惦，今次去呢间泰菜，其实都好食，但未至于最好，但价钱就好合理。呢间原来系九龙城泰发分店，其实𠮶晚爆场，佢地加开商场铺位加台，都系大排档格局，叫咗个泰式蚝仔蛋，泰式炒金边粉同蒜蓉炒杂菜。饮品系芒果沙冰同蓝妹啤酒。芒果沙冰足料，但甜咗D。炒杂菜耶菜Ok，但D芥籣有D苦，红萝卜OK，但碟菜细碟。炒金边粉好水准，D粉唔会太湿，而且炒得均匀，每条都沾到D蕃茄汁，又有鱼露D鲜味和香叶的味道，入面有D蛋丝，肉碎，芽菜咁，好有口感几香口，都大碟。至于个蚝仔蛋，好大碟，铁板上，入面好多蚝仔，又有芽菜，成碟蛋炒得嫩滑，食落又鲜，好好食，加埋D甜酸辣酱食，正呀，D啤酒价收得合理，呢餐三人食，都好饱又经济。