LE BAR (宜必思香港中上環酒店)

营业中

休息中

今次Staycation Package嘅CP值超高，住足24小时，仲要包埋早餐、晚餐同房间mini bar添！讲紧嘅系位于上环嘅宜必思香港中上环酒店（详情：24小时食住玩兼有维港景打卡），呢个Package嘅人头价钱只系$352起，晚餐选择咗喺酒店嘅Le Bar享用，餐厅并无将货就价，选择相当多，味道仲要唔错添！是日餐汤今日嘅餐汤系南瓜汤，够晒热辣辣，相信用咗劲多南瓜，所以南瓜味浓郁，汤底够甜又厚身，味道丰富。杂菜沙律新鲜沙律菜配上车厘茄同粟米粒，沙律菜非常新鲜爽口，加上秘制嘅沙律酱汁，令胃口大增。香煎鲷鱼柳配蕃茄汁呢个摆盘非常靓，鲷鱼柳竟然有两条，全部都无骨，啖啖肉，同蕃茄汁非常夹。至于配菜有黄瓜、翠玉瓜、茄子同薯蓉，份量够晒多！印式咖喱鸡配丝苗白饭另外一个嘅选择，就拣咗印式咖喱鸡配丝苗白饭。咖喱汁微辣又够香；鸡则采用鸡脾肉，所以非常嫩滑，同样地份量非常多；仲有两旧薯仔，主到劲腍劲入味。饮品晚餐仲包一人一杯饮品，整体嚟讲非常丰富。