影片
更多
2018-08-23
1769 浏览
上网睇到条片，听讲呢度老板好招积，所以决定黎试一试，有咩咁把炮。餐厅普普通通，同普通烧味舖差唔多。叫左个例牌叉烧。眼见叉烧同其他叉烧无差，但食落去即刻feel到个差别。麻甩佬一定会对叉烧有研究。我成日食屋企楼下既叉烧，相比之下真系天与地。呢个叉烧烧到出边个一层少少干同硬，食落feel到特别香。中间既肉先系重点。好滑好多水份既叉烧，真系第一次食到咁软滑，但出边个层又咁香既叉烧。另外一个好食既地方系，叉烧出边烧得干香，但淋上蜜汁之后，个肉既质感有少少干身又黏又香。个肉真系有少少痴系牙度，个种少少痴牙又香既口感真系无得输。口感好丰富。食完叉烧，再叫个回味招牌薰蹄濑粉。薰蹄够弹牙，整得有啲似猪耳。口感爽口味道够。加埋酱一齐食，个味道更特出。个爽口既感觉，又有肉系中间，真系薰蹄先有。而且薰得靓，看似无咩调味料，但味道香。仲有个热汤送。食得好饱。饮埋热柠蜜，食左一个好满足既一餐。抵老板招积！
餐厅普普通通，同普通烧味舖差唔多。
叫左个例牌叉烧。眼见叉烧同其他叉烧无差，但食落去即刻feel到个差别。麻甩佬一定会对叉烧有研究。我成日食屋企楼下既叉烧，相比之下真系天与地。
呢个叉烧烧到出边个一层少少干同硬，食落feel到特别香。中间既肉先系重点。好滑好多水份既叉烧，真系第一次食到咁软滑，但出边个层又咁香既叉烧。另外一个好食既地方系，叉烧出边烧得干香，但淋上蜜汁之后，个肉既质感有少少干身又黏又香。个肉真系有少少痴系牙度，个种少少痴牙又香既口感真系无得输。口感好丰富。
食完叉烧，再叫个回味招牌薰蹄濑粉。薰蹄够弹牙，整得有啲似猪耳。口感爽口味道够。
加埋酱一齐食，个味道更特出。个爽口既感觉，又有肉系中间，真系薰蹄先有。而且薰得靓，看似无咩调味料，但味道香。
仲有个热汤送。食得好饱。
饮埋热柠蜜，食左一个好满足既一餐。抵老板招积！张贴
