築間酸菜魚

听个名筑闲酸菜鱼，你一定唔会知道系全港首间台式酸菜鱼，名副其实嘅过江龙，吸引咗好多捧场客。餐厅光猛整洁，座位排列整齐，近窗外望街景，仲正呀！餐厅有个小bar位，可以自行调制陈皮洛神花茶，冷热随意，非常开胃，赞！必点系总长酸菜鱼，乌鳢鱼片鲜甜，配料有黑木耳、金菇、腐竹、宽粉及自家腌制酸菜，酸味一流，好突出；辣味又够，凸显咗汤的鲜味，令人一试难忘，真正做到店长推介！纯爱蕃茄鱼系用大量切件蕃茄，配合鲜嫩鱼片及其他材料，令整个汤充满浓郁蕃茄香味，完全系另一种口味。台式小食有铁汉小酥肉，五花肉炸得好香口，唔油腻，食得出有少许麻辣味，份量颇多，唔错。椒盐鸡软骨有别于一般细细粒嘅鸡软骨，可能部位唔同，佢嘅鸡软骨系长及大条嘅，但都做到酥香脆口，椒盐极之惹味。地道台湾甜点有红豆仙草 ，一次过食到香甜红豆及甘味仙草，两种口感好过瘾。另外，芒果奶冻都要试，因为香甜幼滑，奶味十足嘅奶冻系自家制，芒果酱好好味，够冻又好食，一流！而且餐厅又特别安排酸菜鱼分为一至四人份量，令到一个人都可以随时享用，值得赞许！加上服务员殷勤有礼，细心招待，感觉好满意。