潮味苑

营业中

休息中

今晚经过深水埗，谂唔到食咩好，于是周围行吓睇吓有咩食，见到有间潮州菜馆，睇到佢舖外的菜单，于是入去试吓。入到去坐低，打开餐牌睇，分别点了一个韭菜猪红、煎蚝饼、糖醋都同反沙芋。最先上枱的系韭菜猪红，劲大碗同超多猪红，不过我第一啖并唔系食猪红，而系饮咗一啖佢个汁，超浓味👍😋。跟住食佢嚿猪红，有弹性同超入味，唔同出面食𠮶啲淋晒，一夹就散；佢嚿猪红咬落口就系弹牙，同埋食碗我谂起码有廿嚿以上，啲韭菜亦都好香，成碗抵赞。跟住到个煎蚝饼上枱，唔同出面𠮶啲劲多粉，成份蚝饼超多蚝喺入面，而且热辣辣同脆口，唔系一早整定翻热，配埋佢个鱼露食超正。之后到个糖醋面上枱，面脆底软，点啲醋然后再点糖，食落口好正好香。最后到个反沙芋上枱，闻都闻到好香，咬落口又系热辣辣，而且外脆内软，嚿芋头面层啲糖脆卜卜，入面嚿芋头又香同埋够软，呢个配合超正。而且呢个反沙芋上枱时连个侍应都话识食、识叫呢个(梗系叫啦，出面好多地方而家都无得食呢个反沙芋，因为制作麻烦嘛🤩)整体嚟讲今晚叫咗咁多碟都好好食，同埋见到餐牌有好多都想食，绝对值得再来帮衬👍