樂天皇朝 (將軍澳中心)

营业中

休息中

今日约左个好耐无见既朋友食lunch，始终太耐无见既关系，我地都想揾间坐得舒服少少既餐厅，朋友话之前试过呢间，觉得价钱、地点同环境都好适合。我地入到餐厅，职员好有礼貌地带我地入座，好彩餐厅唔算太多人，环境同灯光都岩岩好。一打开个餐牌，见到劲多款食物，我同朋友都心大心细左好耐，因为好多我地都好想试下，最后我地都拣好左以下食物：糖醋鱼片糖醋汁调配得岩岩好，酸酸甜甜，鱼片好厚，完全系啖啖肉，配上鲜菠萝同青椒，食落非常爽口同解济，系一个好好的配搭。红油抄手个人认为系必点既小食，有五大粒，食落非常爽口弹牙，面头配上炸蒜同香葱，配上特制香油汁，唔会觉得好油，反而重愈食愈开胃！风味沙拉排骨外皮炸得好香脆，食落肉质好嫩滑，食既时候重要系热辣辣架，加上个沙律酱汁好好味，食落甜甜地，感觉上无咁热气，我同朋友都忍唔住叫左个饭食。