更多
2019-09-18
385 浏览
中秋节翌日,黎到太兴食野,系门口排左十分钟左右有位,呢度原来有二楼,第一次上去,二楼系L型,枱面隔离有个制可以按,之后就会有侍应嚟帮手落单,减少左楼人少侍应上黎要等既问题。原来两点就开始有下午茶,都算几多选择~有烧味,汤粉面,炒粉面,仲有包类。烧味饭惊太饱,但黎到太兴冇理由唔食烧味,所以叫左轻盈烧鹅米粉,再加杯太兴最出名既冰镇冻奶茶~都系四十一蚊~个烧鹅虽然得几旧,但几多肉,唔多骨,几香口,肉质嫩滑,配埋个清清地既米粉唔错~个奶茶依旧好滑好香,但可能冰镇既时间唔算太耐,唔系话好冻~下次放假都会就下下午茶时间黎食。
张贴