叄嵐日本燒鳥串燒居酒屋 (已結業)

呢间居酒屋装修结合左日式居酒屋同西式cafe的感觉，铺头寛落。d串烧系门口度烧，唔怕串烧味焗系铺头入面。 松叶蟹肉蟹籽饭 - 个丼份量十足，蟹肉蟹籽铺满饭面，另有带子、蕃茄、粟米、菜，拌醋汁，材料丰富，颜色好靓。每啖饭都啖啖肉。松叶蟹肉味道唔错，颇鲜甜。 灼烧鳗鱼饭 - 鳗鱼汁甜蜜味美， 鳗鱼够厚，油脂丰富，肉嫩而不腻。 串烧每款都可以选原味/辛味 烟肉车厘茄串 - 烟肉烧得好香脆，带咸香，包住多汁嘅车厘子，一咬d汁爆出黎，好滋味。 蒜蓉烧蚝 - 蚝肉够鲜甜，蒜蓉增加左蚝的鲜味同香味。 原条蒜蓉茄子 - 好香蒜味, 烧出的水份与蒜味相汇，令味道深入茄肉，将茄子原味毫无咁保留呈现。 鸡皮串 - 鸡皮烧好香口，唔会太干亦唔会太油腻。 大辣椒、韭菜 - 烧得啱啱好，保留左本身的水份。 小甜薯 - 细细粒一口一啖， 好香甜，口感软糯。 鲭鱼 -鱼肉烧得好嫩，唔会嚡口。