康源車仔麵

营业中

休息中

下午茶时间路经呢间小小面店 (康源车仔面)，就同友人入去食个车仔面～免得要等到夜晚嘅饭局惊饿晕….店面细细，干净企理，大约容纳到6-8位客人左右，只有一位姐姐煮面执枱一脚踢。望望个餐牌，一般车仔面有嘅𩠌呢到都有～而且价钱平民～最少两𩠌一面，最低消费$20～堪称粮尾恩物～叫咗两碗车仔面—沙爹鱿鱼、墨丸、贡丸、龙虾丸、牛柏叶、加幼面 ＆ 芝士肠、菜肉云吞、龙虾丸、菜心、辛辣拉面～ 芬达、可乐 $8一罐。车仔面嘅𩠌新鲜，口感弹牙～尤其鱿鱼、牛柏叶非常爽口～而沙爹酱味道浓郁～令到成碗面有少少辣口，相当惹味～～食咗咁多，最后都只系盛惠$90有找～～大家路经呢头，行过路过，唔好错过呀～～～～～